English | عربی | Kurdî دواهەواڵ
ڕاستەوخۆ  
 
فەرماندەیەکی سوپای پاسداران لە سووریا کوژرا
2022-08-23 [09:15 AM]

ZNA-هەولێر


میدیاکانی سەر بە سوپای پاسدارانی ئێران، بڵاویانکردەوە کە فەرماندەیەکی باڵای ئەو سوپایە لە سووریا کوژراوە.

ئاژانسی دیفاعی موقەدەس (دیفاع پرێس)، بڵاویکردەوە کە "ئەبولفەزل عەلیجانی" یەک لە فەرماندەکانی هێزی وشکانی سوپای ئیسفەهان، رۆژی یەکشەممە (21ی ئاب) لە کاتی "بەرگریکردن لە حەرەم"، کوژراوە.

حکومەتی ئێران ناوی "بەرگریکارانی حەرەم"ی لەو هێزانەی خۆی ناوە کە لە سووریا جێگیری کردوون و دەڵێت، ئەو هێزانەی بۆ بەرگری لە حەرەمی زەینەب، خوشکی ئیمامانی دووەم و سێیەمی شیعەکان لە بەرامبەر هێرشی سەلەفییەکاندا بۆ ئەو وڵات ناردووە.

ئاژانسی دیفاعی موقەدەس، زانیاری لەبارەی شوێن و چۆنییەنی کوژرانی ئەو فەرماندەیە بڵاونەکردووەتەوە و تەنها باسی لە پێشینەی کاریی ئەو کردووە و لەوبارەیەوە نووسیویەتی: عەلیجانی لە ساڵی 2011ـەوە لە ناوەندی راهێنانی ئەندازیاری سەربازی زانکۆی زانست و تەکنیکی ئەمیرئەلموئمنینی هێزی وشکانی سوپای پاسداران، کاری کردووە.  

ئاژانسەکە بڵاویکردووەتەوە کە لە رۆژانی داهاتوودا تەرمی "ئەبولفەزل عەلیجانی" بۆ ئێران دەگوازرێتەوە و رێوڕەسمی بەخاکسپاردنی بەڕێوەدەچێت.

هێزە چەکدارەکانی ئێران لە سووریا، چەندین جار بوونەتە ئامانجی هێرشە ئاسمانییەکانی سوپای ئیسرائیل. حکومەتی تەلئەبیب بەردەوام دووپاتیکردووەتەوە کە رێگە بە جێگیربوونی هێزی سەربازیی ئێران لە نزیک سنوورەکانی خۆی نادات و بۆیە هەندێ جار هێزە ئیرانییەکان یان چەکدارانی نزیک لەو وڵاتە لە سووریا، دەکاتە ئامانج.





ئەم هەواڵە 184جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad