English | عربی | Kurdî دواهەواڵ
ڕاستەوخۆ  
 
سێیەمین مانگ لەسەر یەک فرۆشی نەوت %96ـی بودجەی فیدراڵی عێراق پێکدێنێت
2022-08-25 [02:48 AM]

ZNA:هەولێر


وەزارەتی دارایی عێراق دوایی ئەژمێری دەوڵەتی بۆ مانگی حوزەیرانی رابردوو بڵاو کردەوە، تێیدا هاتووە، بۆ سێیەمین مانگ لەسەر یەک فرۆشی نەوت %96ـی بودجەی فیدراڵی پێکهێناوە، شارەزایانی ئابووریش هۆشداری دەدەن و دەڵێن هۆکارەکەی نەبوونی سەرچاوەی دیکەی داهات و لادانی پێناسی گومرگییە لە دەروازە سنوورییەکان.

بە گوێرەی نوێترین داتاکانی وەزارەتی دارایی کە لەبارەی ئەژمێری مانگی حوزەیرانی رابردوو بڵاویکردووەتەوە، بۆ سێیەمین مانگ لەسەر یەک و هاوشێی مانگی ئایار، لە مانگی حوزەیرانیشدا، فرۆشی نەوت %96ـی بودجەی عێراقی پێکهێناوە. کە ومانای ئەوەیە تاوەکو ئێستا عێراق سیاسەتی تاک سەرچاوە (ریعی) پەیڕەو دەکات کە بنەمای بودجەی عێراقی لەسەر پێکهێنراوە.

لە خشتەی وەزارەتی داراییدا هاتووە، کۆی داهاتی نەوت لە مانگی حوزەیراندا زیاتر لە 72 ترلیۆن دینار بووە، کە بەرامبەردا تێکڕای داهاتی نانەوتی 3 ترلیۆن دینار بووە، بەمەش کۆی داهاتی نەوتی و نانەوتی 75 ترلیۆن و 639 ملیار دینار بووە.

شارەزایانی دارایی پێیان وایە، هۆکاری بەرزبوونەوەی پشکی نەوت لە داهاتی عێراق بۆ بەرزبوونەوەی نرخەکەی دەگەڕێتەوە، کە لەمساڵدا لە سەرووی 100 دۆلار مامەڵەی پێوەکراوە، هەروەها بە گوێرەی یاسای پاڵپشتی ئاسایشی خۆراک پێناسی گومرگی سفر کرا.

شارەزایانی دارایی بەلایەنەوە سەیر نییە، چونکە سیستەمی ئابووری عێراق تاک سەرچاوە، بەڵام هۆشداری دەدەن بەوەی پشت بەستن بە تەنیا یەک داهات مەترسیدارە و لەگەڵ هەر جووڵەیەکی بازاڕ لەسەر داهاتی عێراق رەنگدەداتەوە، هەروەک لەسەردەمی کۆرۆنا روویدا و نرخی بەرمیلێک نەوتی بۆ 20 دۆلار دابەزی.

لەو بارەیەوە محەمەد مەزهەر ساڵح، راوێژکاری دارایی سەرۆک وەزیرانی عێراق رایگەیاندبوو، هۆکاری مانەوەی عێراق وەک سیاسەتێکی تاک دەگەڕێتەوە بۆ بەردەوامی شەڕ و گەمارۆکان لە دەیەکانی رابردوو، ئێستاش ناکۆکییە سیاسییەکان وایکردوون، هەمەچەشنکردنی سەرچاوەکانی داهات شکست بهێنێت.





ئەم هەواڵە 193جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad