English | عربی | Kurdî دواهەواڵ
ڕاستەوخۆ  
 
مستەفا کازمی هۆشداری لەبارەی دۆخی عێراق دەدات
2022-08-27 [10:58 AM]

ZNA-هەولێر


سەرۆک وەزیرانی عێراق هۆشداری لەبارەی دۆخی عێراق دەدات و دەڵێت: پێکدادان رووبدات دۆخەکە لەدەست دەردەچێت.

مستەفا کازمی، سەرۆک وەزیرانی عێراق لە چوارچێوەی بەشداریکردنی لە کۆنگرەی ئیسلامی بۆ بەرەنگاربوونەوەی توندوتیژی دژی ئافرەتان، گوتی: "ئەو کێشە سیاسییەی لە عێراق هەیە ناکرێت چارەسەر نەکرێت و نەتوانین کۆمەڵێک لایەنی سیاسیی پێکەوە کۆبکەینەوە و گفتوگۆ بکەین، ئەو ململانێ سیاسییە هەڕەشە لە ئاشتی کۆمەڵایەتی و سەقامگیری دەوڵەتی عێراق دەکات، رێگرە لەبەردەم پێشکەوتن".

کازمی، باسی لە هەستیاریی دۆخی عێراق کرد و ئاماژەی بەوەکرد کە خەڵکی عێراق لەو دۆخە نیگەرانن و هۆشداریدا: "ئەگەر پێکدادان رووبدات دۆخەکە لەدەست دەردەچێت و دەتەقێتەوە، بۆیە داوا لە هەموو نیشتمانپەروان دەکەم سازش بکەن و جیاوازییەکان بەلاوەبنێن، چونکە عێراق لە هەموومان گەورەترە".

سەرۆک وەزیرانی عێراق گوتیشی: "ئەو قەیرانە سیاسییەی لە عێراق هەیە بە بوونی متمانە بە یەکتر چارەسەر دەبێت، پێویستە متمانە لەنێوان لایەنەکان بگێڕینەوە".

ئەوەشی خستەڕوو: "هەموومان لەبەردەم بەرپرسیاریەتییەکی مێژوویی گەورەداین، دەبێ ئەو بەرپرسیاریەتییە هەڵگرین، کۆمەڵگە و حکومەتی عێراق بەربەستی گەورەیان لەبەردەم دایە، لە ماوەی رابردوو دەستپێشخەریمان کرد بۆ چارەسەری ناکۆکییەکان، هەموو لایەنەکان پێشوازییان لێکرد، جەختدەکەینەوە تەنها گفتوگۆ کێشەکان چارەسە دەکات".





ئەم هەواڵە 190جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad