English | عربی | Kurdî دواهەواڵ
ڕاستەوخۆ  
 
لە رووداوێکی هاتووچۆدا 6کەس بوونە قوربانی
2022-08-29 [08:28 AM]

ZNA-هەولێر


لە رووداوێکی هاتووچۆدا لە رێگەی نێوان سنە بۆ سەقز، 3 کەس گیانیان لەدەستدا و 3 کەسی دیکەش بریندار بوون.

 

بەیانی ئەمڕۆ دووشەممە 29-08-2022 رووداوێکی هاتووچۆ لە رێگەی نێوان سنە-سەقز لە نێوان دوو ئۆتۆمبێلی جۆری پیجۆ و پراید روویدا کە بووە هۆی ئاگرکەوتنەوە لە یەکێک لە ئۆتۆمبێلەکان و گیانلەدەستدانی 3 کەس و برینداربوونی 3 کەسی دیکەش. 

 

بە گوتەی شایەتحاڵانی رووداوەکە، 3 سەرنشینی پرایدەکە لە رووداوەکەدا سووتاون و گیانیان لەدەستداوە. هەروەها 3 سەرنشینی پیجۆیەکەش بەسەختی برینداربوون و گەیێندراونەتە نەخۆشخانە.

 

بەپێی ئامارە فەرمییەکانی پۆلیسی هاتووچۆی ئێران لە هەر کاژێرێکدا 2 کەس لەو وڵاتە بە رووداوی هاتووچۆ گیانلەدەستدەدەن کە رۆژانە دەکاتە 48 کەس و ئەو ئامارە لە ساڵێکدا بۆ سەرووی 16 هەزار کەس بەرز دەبێتەوە. رێگەکانی هاتووچۆ لە رۆژهەڵاتی کوردستان بەهۆی ناستانداردبوونیان بەردەوام زۆرترین رووداوی هاتووچۆیان لێدەکەوێتەوە. 

 

بەگوتەی بۆرزوو مورادی، بەڕێوەبەری پۆلیسی هاتووچۆی پارێزگای سنە، ساڵی رابردوو رێگەکانی هاتووچۆی دوو شاری مەریوان و سەقز، لە ریزبەندیی دووەم و سێیەمی ئەو شارانەدا بوون کە زۆرترین رووداوی هاتووچۆیان لێکەوتووەتەوە. بۆرزو مورادی دەشڵێت؛ ساڵی رابردوو لە رێگەوبانەکانی ئەو دوو شارە، رێژەی رووداوی هاتووچۆ بۆ 600٪ بەرز بووەتەوە. 

 

ئەوەش لە کاتێکدایە بەڕێوەبەرایەتیی رێگەوبانەکانی پارێزگای سنەش دەڵێت؛ 57٪ـی هۆکاری رووداوەکانی هاتووچۆ لەو پارێزگایە، پابەندنەبوونی شۆفێرەکانە بە رێکارەکانی لێخوڕینی ئۆتۆمبێل، 40٪ـیشی بەهۆی قەرەباڵخیی رێگەوبانەکانە و تەنیا 3٪ـی هۆکارەکان بۆ ناستانداردبوونی رێگەوبانەکانی ئەو پارێزگایە دەگەڕێنێتەوە. 





ئەم هەواڵە 331جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad