English | عربی | Kurdî دواهەواڵ
ڕاستەوخۆ  
 
ئیتاڵیا پاركێكی شوێنه‌واری له‌دهۆك ده‌كاته‌وه‌
2022-08-29 [12:01 PM]

ZNA - هه‌ولێر


 

ئەمڕۆ دووشەممە 29ی ئابی 2022، ساسان عەونی، وەزیری شارەوانی و گەشتوگوزار پێشوازی لە میکێلێ کامێرۆتا کونسوڵی ئیتاڵیا لە هەولێر و هەژار خۆشناو یاریدەدەری کونسوڵ و دانیێل مۆراندی شوێنەوارناسی زانکۆی ئودینێ كرد. لە دیدارەكەدا هەر یەكە لە بەڕێوەبەری گشتیی شوێنەوار و كەلەپوور و بەڕێوەبەری شوێنەوار و كەلەپووری دهۆك ئامادەی بوون.

ساسان عەونی، وەزیری شارەوانی و گەشتوگوزار وێڕای بەخێرهێنانی شاندەكە، تیشكی خستە سەر گرنگیی كەرتی شوێنەوار لە هەرێمی كوردستان و سوپاسی هاوكاری و هەماهەنگیی تیمەكانی ئیتاڵیای كرد كە لە بواری شوێنەواردا لە هەرێمی كوردستاندا كاری هەڵكۆڵین دەكەن. لە بەشێكی تری گفتوگۆكاندا ئامادەكارییەكانی كردنەوەی پاركێكی شوێنەواری لە دهۆك تاوتوێی كرا كە لەسەر ئاستی هەرێمی كوردستان و عێراقدا یەكەمجارە پاركێكی تایبەت بە شوێنەوار دروست دەكرێت و لە مانگی 10ی ئەمساڵدا لە دهۆك دەكرێتەوە.

وەزیری شارەوانی و گەشتوگوزار هاوكاری و كاركردنی تیمە ئیتاڵییەكانی بەرز نرخاند و پاڵپشتیی وەزارەتی شارەوانی و گەشتوگوزاری بۆ دەربڕین و جەختیشی لەسەر گرنگیی پەرەپێدانی پەیوەندی و فراوانكردنی بازنەی كاری هاوبەش كردەوە. لە بەرانبەردا شاندی ئیتاڵیا خۆشحاڵی خۆیان بە دیدارەكە دەربڕی و جەختیان لە بەردەوامی كاری هاوبەش لە بواری مرۆیی و شوێنەوار و جێبەجێكردنی پرۆژەی هەڵكۆڵین لە هەرێمی كوردستاندا كردەوە.





ئەم هەواڵە 217جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad