English | عربی | Kurdî دواهەواڵ
ڕاستەوخۆ  
 
لێژنەی وزه‌ و سامانە سرووشتییەكان بەدواداچوون بۆ پرسی چۆنیەتیی دابەشكردنی نەوتی سپی به‌سه‌ر ماڵاندا دەكات
2022-08-30 [05:13 AM]

ZNA-ھەولێر


ئەمڕۆ سێشەممە ٢٠٢٢/٨/٣٠، لێژنەی وزه‌ و سامانە سرووشتییەكان و پیشەسازی و بازرگانی لە پەرلەمانی کوردستان، بەمەبەستی تاووتوێكردنی كێشە و گرفتەكانی به‌رده‌م دابەشكردنی نەوتی سپی به‌سه‌ر ماڵاندا و چه‌ند پرسێكی تری كۆبوویەوە.


گوڵیزار رەشید سندی، جێگری سەرۆکی لیژنەی وزە و سامانە سروشتییەکان لە پەرلەمانی کوردستان، بە ئاژانسی ھەواڵی زاگرۆسی راگەیاند: گفتوگۆ لەبارەی چۆنیەتیی دانانی كارنامەی لێژنەكە بۆ وەرزی نوێی یاسادانان كرا، پاشان كێشە و گرفتەكانى به‌رده‌م شێوازی دابەشكردنی نەوتی سپی و به‌سه‌ر ماڵاندا و كه‌میی غازى ماڵان كرا، بەتایبەت لە ئێستادا كه‌ نرخی نەوتی سپی زۆر بەرزبۆتەوە و هاووڵاتیی ئاسایی ناتوانێت لە بازاڕی ئازاددا بیكڕێت، بۆیە لێژنە بڕیاری دا سەردانی وەزارەتی سامانە سرووشتییەكانی حكوومەتی هەرێمی كوردستان بكات بەمەبەستی چارەسەركردنی ئه‌و كێشه‌یه‌، لەبەرئەوەی ساڵانە پێش وەرزی زستان ئه‌و كێشە و گرفتانە دووبارە دەبنەوە.


جێگری سەرۆکی لیژنەی وزە و سامانە سروشتییەکان لە پەرلەمانی کوردستان گووتی: داوای كرا سەرۆكایەتیی پەرلەمانی كوردستان نووسراوێك ئاراستەی ئەنجوومەنی هەرێمی بۆ كاروباری نەوت و گاز بكات بەمەبەستی دابینكردنی بڕی پێویست لە نەوتی سپی و غازی ماڵان بۆ هاووڵاتییان، بەپشت بەستن بەو بڕە غازە كه‌مه‌ى كه‌ ئێستا دابەش دەكرێت و لەگەڵ هاتنی وەرزی سەرمادا خواست لەسەر غاز زیاد دەبێت و بەمەش دووباره‌ قەیران دروست دەبێت، هەر لەسەر ئەمە لێژنەكە دوو پێشنیازی بۆ حكوومەت كردووە، یەكەم پشكی بەشە غازی ماڵان زیاد بكرێت، دووەمیش كۆی بەرهەم بكرێتە كۆبۆن، بۆئەوەی دڵنیابن كه‌ ئەم ڕێژەیە دەگاتە ماڵان یان نانەواخانەكان.


ھەروەھا گوڵیزار رەشید سندی، جێگری سەرۆکی لیژنەی وزە و سامانە سروشتییەکان لە پەرلەمانی کوردستان ئەوەشی بۆ ئاژانسی ھەواڵی زاگرۆس خستەروو، کە سەبارەت بە نەوتی سپیی ماڵانیش، لێژنەكه‌ داوا دەكات حكوومەت بڕیار و پلانی هەبێت بۆ دابەشكردنی نەوتی سپی بەسەر ماڵاندا، چونكە لەئێستادا ڕۆژ بەڕۆژ نرخی نەوت گران دەبێت و یەكێك لە هۆكارەكانی گرانبوونیشى ئه‌وه‌یه‌ كه‌ گازوایلی كوالێتی باشی پاڵاوگە فەرمییەكان ڕەوانەی دەرەوە دەكرێت، نەوتی سپی و پاشماوەی ڕۆنی ئۆتۆمبێل و چەند مادەیەكی تر تێكەڵ دەكرێت و مادەیەكی زیانبەخشی لێ دروست دەكرێ‌ و وەك گازوایل دەفرۆشرێت، لێژنەكە داوا دەكات هەناردەی گازوایل ڕابگیرێت و وەزارەتی سامانە سرووشتییەكانیش بە لێژنەكەیان ڕاگەیاندووە كە ئاگاداری ئەو هەناردەیە نین و مۆڵەتیان پێنەداون.

 


رێباز یونس





ئەم هەواڵە 289جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad