English | عربی | Kurdî دواهەواڵ
ڕاستەوخۆ  
 
وه‌زاره‌تی كشتوكاڵ دوو بڕیار ده‌رده‌كات
2022-08-31 [01:19 AM]

ZNA - هه‌ولێر


وەزارەتی کشتوکاڵی حکومەتی هەرێمی کوردستان بڕیاریدا، تا کاتێکی نادیار قەدەغەی سەر هاوردەکردنی بەرهەمەکانی (تەماتە و خەیار) لە خاڵە سنوورییەکان درێژ بکرێتەوە.

لە نوسراوێکی وەزارەتی کشتوکاڵ و سەرچاوەکانی ئاودا، کە ئەمڕۆ چوارشەممە دەرکراوە و بێگەرد تاڵەبانی وەزیری کشتوکاڵ واژووی کردووە ئاماژە بەوەدراوە، کە پاڵپشت بە یاسای پاراستن و پێشخستنی بەروبوومی کشتوکاڵی و نوسراوی ئەنجوومەنی وەزیران و بەدواداچوون بۆ بازاڕ و عەلوەکان، بەمەبەستی پاراستنی بەروبوومی خۆماڵی جوتیاران، بڕیاردراوە بەوەی قەدەغەی هاوردەکردنی بەرهەمەکانی (تەماتە و خەیار) تا کاتێکی نادیار درێژ بکرێتەوە.

هەروەها وەزارەتە بڕیاریداوە، باج لەسەر بەرهەمی خۆخی هاوردەکراو هەڵبگیرێت.

ساڵانە لەکاتی پێگەیشتنی بەرهەمە کشتووکاڵییە جیاوازەکاندا، وەزارەتی کشتوکاڵ بەگوێرەی ئاستی بەرهەمی ناوخۆیی بڕیار دەردەکات، بۆ قەدەغەکردنی هاوردەکردنی بەرهەمی وڵاتانی دیکە، یان باج خستنە سەری، ئەوەش بە مەبەستی ساغکردنەوەی بەرهەمی خۆماڵی لە بازاڕەکاندا.





ئەم هەواڵە 355جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad