English | عربی | Kurdî دواهەواڵ
ڕاستەوخۆ  
 
پۆلیسی سلێمانی کەسێکی بە تۆمەتی کوشتنی خوشکەکەی دەستگیرکرد
2022-09-01 [05:35 AM]

ZNA-هەولێر


پۆلیسی سلێمانی رایگەیاند، ئەو کچەی کە بە قسەی کەسوکارەکەی خۆی کوشتبوو، دەرکەوت لەلایەن براکەیەوە بە ئاسن کوژراوە.

ئەمڕۆ پێنج شەممه‌ 1ـی ئەیلولی 2022، پۆلیسی سلێمانی لە راگەیەندراوێکدا دەڵێت، " لە 12ـی ئابی 2022، بنكەی پۆلیسی كوردسات ئاگاداركرایەوە لەبوونی تەرمێك بەناوی (ك، م، پ لەدایكبووی 1993) لەپزیشكی دادوەری سلێمانی، کە بە گوتەی كەسوكارەکەی لەنهۆمی دووەمی ماڵی خۆیان خۆی هەڵداوەتە خوارەوە".

ئاماژەی بەوەشکردوو، دوای ئەوەی تیمەكانی بەڵگەی تاوان چوونە شوێنی ڕووداوەكە و لێکۆڵینەوە و هێڵكاریی بۆ شوێنی ڕووداوەكە كرا، سەرەنجام دەركەوت كە کوژراوەکە خۆی هەڵنەداوەتە خوارەوە، بەڵكو لەلایەن براكەیەوە بەناوی (ق، م، پ لەدایكبووی 1994) بەهۆی كێشەیەكی خێزانییەوە بەپارچە ئاسنێک لێیدراوە و بەهۆی سەختی برینەكەیەوە لەماڵەوە گیانی لەدەستداوە".

پۆلیسی سلێمانی دەشڵێت، تاوانبار بەبڕیاری دادوەر و بەپێی ماددەی 410  لەیاسای سزادانی عێراقی ڕاگیراوە و دانی بەتاوانەكەیدا ناوە.

بەپێی ماددەی   410  یاسای سزاکانی عێراقی، هەر کەسێک دەستدرێژی کردبێتە سەر کەسێکی دیکە بە لێدان یان بە بریندارکردن یان بە توندووتیژی یان بە پێدانی ماددەیەکی زیانبەخش یان بە ئەنجامدانی هەر کردەوەیەکی دیکەی پێچەوانەی یاسا و مەبەستی کوشتنی ئەو کەسە نەبووبێت، بەڵام کارەکە بووبێتە هۆی مردنی کەسەکە، بە بەندکردن سزا دەدرێت کە لە ماوەی 15 ساڵ زیاتر نەبێت.





ئەم هەواڵە 265جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad