English | عربی | Kurdî دواهەواڵ
ڕاستەوخۆ  
 
ئەمریكا رەزامەندیی دەربڕی لەسەر فرۆشتنی پێداویستی سەربازیی بە تایوان
2022-09-03 [12:17 PM]

ZNA:هەولێر


وەزارەتی دەرەوەی ئەمریكا رەزامەندیی دەربڕی لەسەر فرۆشتنی پێداویستی سەربازیی بە بڕی یەك ملیار و 106 ملیۆن دۆلار بە تایوان.

ئاژانسی هەماهەنگیی ئاسایشی بەرگریی ئەمریكا، رایگەیاند رەزامەندییان لەسەر فرۆشتنی سێ پاكێجی سەربازیی جیاواز بە تایوان دەربڕیوە.

لەو ئاگاداركردنەوەی كە ئاراستەی كۆنگرێسی ئەمریكا كراوە، ئاماژە بەوە كراوە كە رەزامەندیی دراوە لەسەر فرۆشتنی پاڵپشتیی لۆجیستی بە بڕی 665 ملیۆن و 400 هەزار دۆلار بۆ پرۆگرامی چاودێریی رادار لە تایوان.

لەلایەكی دیكەوە، لە دوو ئاگاداركردنەوەی جیاوازدا ئەوە خراوەتەڕوو كە رەزامەندیی دراوە لەسەر فرۆشتنی 60 دانە مووشەكی دژە كەشتی لە جۆری " Harpoon Blok-II" و پێداویستییەكانی بە بڕی 355 ملیۆن دۆلار و فرۆشتنی 100 دانە مووشەكی تەكتیكیی جۆری " AIM-9X Blok-II Sidewinder" كە لە فڕۆكەی ئێف-16 بەكاردەهێندرێت بە بڕی 85 ملیۆن و 600 هەزار دۆلار پەسەند كراوە.

لە كاتێكدا جوڵە سەربازییەكانی چین لە دەوروبەری تایوان رووی لە هەڵكشان كردووە، پەسەندكردنی فرۆشتنی ئەم پاكێجانە بووەتە جێگەی سەرنج.





ئەم هەواڵە 166جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad