English | عربی | Kurdî دواهەواڵ
ڕاستەوخۆ  
 
ئەوروپا: رووسیا وەك وەڵامێك بۆ سزاكانی رۆژئاوا هەناردەی گازی ڕاگرتووە
2022-09-04 [08:46 AM]

ZNA- هەولێر


کۆمپانیای گازپڕۆمی رووسی لەڕۆژی هەینیەوە، بەهۆی لێچوونەوە لە بۆریی نۆرد ستریمی یەک هەناردەی گازی ڕاگرتووە، بەرپرسانی ئەوروپاش ئاشكرای دەكەن، رووسیا وەک وەڵامێک بۆ سزاکانی رۆژئاوا هەناردەکەی راگرتووە.

کریستیان لیندنەر، وەزیری دارایی ئەڵمانیا گوتی: "رووسیا سوود لە ناسەقامگیریی بازاڕی وزە دەبینێت کە بەهۆی جەنگەوە وای لێهاتووە و بەهۆی ئەوەشەوە داهاتێکی باشی لە هەناردەکردنی نەوتەکەی دەست دەکەوێت، بۆیە ئێمە دەمانەوێت بەتووندی رووبەڕووی ئەوە ببینەوە".

پێشتر رووسیا رۆژانە 165 ملیۆن مەتر سێجا گازی سرووشتی بۆ وێستگەی گازی لوبمین لە باکووری رۆژهەڵاتی ئەڵمانیا هەناردە دەکرد، بەڵام ئێستا بەتەواوی هەناردە وەستێنراوە.

وەستاندنی هەناردەی گاز بۆ ئەوروپا کاریگەریی گەورەی کردووەتە سەر ئەو کیشوەرە بە تایبەت کە وەرزی سەرما نزیکبۆتەوە و خواست لەسەر سووتەمەنی و کارەبا بۆ گەرمکەرەوە زیادیکردووە.

بڕی هاوردەی بەشێک لە وڵاتانی ئەوروپاش لە 2021 بەم جۆرە بوو: ئەڵمانیا 56 ملیار و 200 ملیۆن، ئیتاڵیا 29 ملیار و 200 ملیۆن، هۆڵەندا 13 ملیار و 200 ملیۆن، فەرەنسا 11 ملیار 100 ملیۆن و پۆڵەندا 10 ملیار و 500 ملیۆن مەتر سێجا گازی سرووشتییان لە رووسیاوە هاوردە کردووە. تەواوی هاوردەی یەکێتیی ئەوروپاش لە رووسیاوە 155 ملیار مەتر سێجا بووە.

پاوڵۆ گێنتیلۆنی، سەرۆکی کۆمیسیۆنی ئابووریی ئەوروپا دەڵێت، "پووتین هەنگاوێکی دیکەی بەرەو بڕینی گاز ناوە، ئەمە پێشێلکارییە بەرامبەر بە گرێبەستەکان و هەمووان هیوادارن هیچ روونەدات.

بە گوێرەی ئاماری رێکخراوی وۆڕڵد ئینێرجی ئاوتلووک، پێش جەنگی ئۆکراینا رووسیا 40٪ی گازی ئەوروپای دابین دەکرد.

 





ئەم هەواڵە 151جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad