English | عربی | Kurdî دواهەواڵ
ڕاستەوخۆ  
 
گرنگترین هه‌نگاوه‌کان بۆ ڕزگاربوون له‌ قه‌ڵه‌وی
2022-09-04 [01:27 AM]

ZNA : هەولێر


۱. یه‌کسه‌ر ده‌ست پێ بکه: چیتر کات به‌ فیڕۆمه‌ده‌ و مه‌ڵێ پاش ماوه‌یه‌کی تر، ئیراده‌ی خۆت و چاودێریکردنی شێوازی ژیانی ڕۆژانه‌ گرنگترین بنه‌مای دابه‌زینی کێشه‌، هه‌موو ڕۆژێک بڕی ( ٥۰۰ کالۆری) له‌ خۆراک که‌متر بخۆ، ده‌توانیت له‌ ڕێگه‌ی پسپۆڕی خۆراکه‌وه‌ زانیاری ته‌واو وه‌ربگریت. ۲. که‌مکردنه‌وه‌ی خواردنی فاست فوود: وه‌ک هه‌مبه‌رگر و گه‌س و که‌نتاکی و خواردنه‌وه‌ گازییه‌کان و شه‌ربه‌ت و سارده‌مه‌نی، له‌ نێوان ژه‌مه‌کانیشدا ئه‌گه‌ر برسیت بوو، به‌ سه‌وزه‌ و میوه‌ و چه‌ره‌سی کاڵ خۆت تێر بکه، چاره‌کێک پێش ژه‌مه‌ سه‌ره‌کیه‌کان قاپێک زه‌ڵاته‌ بخۆ. ۳. ڕۆژانه‌ دوو بۆ سێ جار سه‌وزه‌ و میوه‌ بخۆ: ئه‌و خۆراکانه‌ زیاتر بخۆ که‌ ده‌وڵه‌مه‌ندن به‌ پڕۆتین، هه‌فته‌ی دوو بۆ سێ جار ماسی برژاو بخۆ، دووربکه‌وه‌رەوە له‌ خواردنی شیرینی و پسکیت و ئیشی هه‌ویر، بۆ که‌مکردنه‌وه‌ی دڵه‌ڕاوکێ و قه‌له‌قی و فشاری ده‌روونی په‌نا بۆ خواردن مه‌به‌. ٤. له‌ ناو قاپی بچوک و به‌ هێواشی خواردن بخۆ، دوای تێر خواردن یه‌کسه‌ر هه‌سته، به‌ دیار ته‌له‌فزیون و تۆڕەکۆمەڵایەتییەکانەوە نان مه‌خۆ، بڕی پێویست ئاو بخۆره‌وه‌، له‌ کۆتایی هه‌فته‌ و سه‌یران و سه‌فه‌ر و پشووه‌کان زیاده‌ خۆری مه‌که‌. ٥. خۆراکی ته‌ندروست هه‌ڵبژێره‌ وه‌ک به‌کارهێنانی زه‌یتی زه‌یتوون و که‌تان بۆ چێشت لێنان، خواردنی شیر و شیره‌مه‌نی که‌م چه‌وری، برنجی بۆر و ئاردی بۆر، نانی تیری یان هه‌ورامی، زۆربه‌ی ژه‌مه‌کان له‌ ماڵه‌وه‌ نان بخۆ. ٦. ئه‌نجام دانی وه‌رزش: رۆژانه‌ نیو کاتژمێر یان زیاتر به‌ پێ بڕۆ، له‌ جیاتی بەرزکەرەوە پلیکانە به‌کاربێنه‌، بۆ شوینی نزیک به‌ پێ بڕۆ، له‌ ماڵه‌وه‌ هه‌موو نیو کاتژمێرێك هاتووچۆ بکه، ئه‌گه‌ر توانیت هه‌فته‌ی چه‌ند جارێک بچۆ بۆ مه‌له‌کردن یان جێم. ۷. شه‌وانه‌ پێش کاتژمێر یانزه‌ و نیو بخه‌وه‌، به‌یانیان پێش کاتژمێر هه‌شت و چاره‌ک نانی به‌یانی بخۆ، نیو کاتژمێر پێش ژه‌مه‌کان یه‌ک بۆ دوو په‌رداخ ئاو بخۆره‌وه‌، دووربکه‌ره‌وه‌ له‌ خواردنی سوێر، شیرینی و چپس خواردنه‌وه‌ی کۆلا با له‌ ناو ماڵ و له‌ به‌رده‌ستت نه‌بێت، هه‌فته‌ی چه‌ند جارێک خۆت بکێشه‌، نائومێد مه‌به‌ ئه‌گه‌ر بته‌وێت کێشت هه‌ر داده‌به‌زێت.





ئەم هەواڵە 457جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad