English | عربی | Kurdî دواهەواڵ
ڕاستەوخۆ  
 
کارەبای نیشتمانی دەبێتە 24 کاتژمێری
2022-09-04 [05:20 AM]

ZNA-ھەولێر


گوتەبێژی وەزارەتی کارەبای حکوومەتی ھەرێمی کوردستان ڕایگەیاند، وەکو تێست دەستمان کردووە بە ئەنجامدانی سیستەمێکی نوێ لە ھەولێر و دھۆک بۆ ئەوەی کارەبای نیشتیمانی ببێتە 24 کاتژمێری و تاوەکو ئێستا لە دوو شوێن تاقیمان کردۆتەوە و بەردەوامیش دەبین و فراوانتری دەکەین.

ئومێد ئەحمەد، گوتەبێژی وەزارەتی کارەبای حکوومەتی ھەرێمی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: لە چوارچێوەی پڕۆژەی پێوەری زیرەکی کارەبا ئێستا دەستمان بە تێستکردن کردووە بۆ ئەوەی سیستەمی کارەبا ببێتە کارت، کە ھاووڵاتییان 24 کاتژمیر کارەبایان ھەبێت، تاوەکو ئێستاش لە دھۆک لەناو بازاڕ و لە ھەولێریش لە بازاڕی لەنگە ئەو تێستە کراوە و 24 کاتژمێر کارەبایان ھەیە و سەرکەوتوو بووە.

ڕاشیگەیاند: ئەو پڕۆژەیە وردە وردە فراوان دەکرێت و چاوەرێی دەرئەنجامەکان دەکەین بزانین ئەگەر سەرکەوتووبێت ئەوە لە ھەموو شوێنەکان و ناوچەکان جێبەجێی دەکەین، بۆ ئەوەی خەڵک بەردەوام کارەبای نیشتیمانی ھەبێت، بەڵام ئەم سیستەمە بەپێی بەکارھێنانی کارەبا بۆی ھەژمار دەکرێت لەڕووی نرخەوە و بەھەمان نرخی ئێستا دەبێت.

ئەوەشی خستەڕوو کە ھاووڵاتییان لە شوێنی ئەوەی پارەی مۆلیدە و پارەی کارەبای نیشتیمانی بدەن ئەوکات کە ئەو سیستەمە جێبەجێ کرا مانگانە یەک جار پارە دەدەن و ئەویش بەپێی بەکارھێنانی کارەبا، چونکە ئامانجی ئێمە لە ئەنجامدانی ئەوکارە ئەوەیە کە کارەبای نیشتیمانی ببێتە 24 کاتژمێری بەردەوام.

گوتەبێژی وەزارەتی کارەبا ئاماژەی بەوەش دا کە ئەو شێوازە خۆی وایە ھەرجارە و لە ناوچەک جێبەجێ دەکرێت و کارەبای نیشتیمانیان بەھۆی پێوەری زیرەک دەکرێتە بەردەوام تاوەکو ھەموو ناوچەکان دەگرێتەوە، ئەوەش لەسەر خواستی ھاووڵاتییانە.





ئەم هەواڵە 544جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad