English | عربی | Kurdî دواهەواڵ
ڕاستەوخۆ  
 
ناسر کەنعانی: عێراق بۆ ئێمە و ناوچەکە گرنگە
2022-09-05 [11:46 AM]

ZNA-هەولێر


گوتەبێژی وەزارەتی دەرەوەی ئێران رایگەیاند، ئارامی و ئاسایش و سەقامگیریی عێراق بۆ وڵاتەکەی گرنگە و کاریگەری لەسەر دۆخی ناوچەکە دەبێت. داواش دەکات، لایەنە سیاسییەکانی عێراق بۆ چارەسەری کێشە ناوخۆییەکان گفتوگۆ بکەن.

ناسر کەنعانی، گوتەبێژی وەزارەتی دەرەوەی ئێران لە لێدوانێکی رۆژنامەوانیدا گوتی: "رەوتی ئاڵوگۆڕییەکانی عێراق بۆ کۆماری ئیسلامیی ئیران گرنگە. ئێمە پێمان وایە عێراق وڵاتێکی گرنگی ناوچەکەیە و سەقامگیری و ئاسایش و ئارامیی ئەم وڵاتە یارمەتیدەر دەبێت بۆ پەرەپێدانی ئابووری لە ناوخۆی وڵاتەکە، هەروەها بوار خۆش دەکات و هەلومەرجی ئەوەش دەڕەخسێنێت، کە عێراق لە ئاستی ناوچەییشدا رۆڵی بنیاتنەری لە بوارەکانی سیاسی و ئەمنی و ئابوورییە ناوچەکەدا بگێڕێت".

گوتیشی: "ئێمە پرسەکانی ئەمنییەت و سەقامگیریی عێراقمان بۆ گرینگە و کۆماری ئیسلامیی ئێران لە هەر دەرفەتێک کە بتوانێت یارمەتیدەری برایانی عێراقی بێت، بۆ ئەوەی ئاشتی، ئارامی  و سەقامگیری بگەڕێنێتەوە بۆ ئەو وڵاتە، کەڵک وەردەگرێت. پەیوەندیی ئێمە لەگەڵ برایانی عێراقیمان، پەیوەندییەکی قووڵ و بەردەوامە. ئێمە لەگەڵ هەموو لایەنە سیاسییەکانی عێراق پەیوەندیمان هەیە و بە دڵنیاییەوە پەیوەندیی کۆماری ئیسلامیی ئێران لەگەڵ لایەنە عێراقییەکان یارمەتیدەری رەوتی ئارامی لەم وڵاتە بووە و لەسەر رۆڵی بنیاتنەر و یارمەتیدەری خۆمان بەردەوام دەبین".

گوتەبێژی وەزارەتی دەرەوەی ئێران، دەشڵێت: "ئێمە پەیام بۆ تاکەکان نانێرین و بە گشتی چاومان لە کۆی عێراقە، داوامان لە هەموو لایەنە سیاسییەکانی عێراق کردووە گفتوگۆ بکەن، لەم پەیوەندییەشدا لە پەیوەندییە باشەکانمان لەگەڵ لایەنە عێراقییەکان کەڵکمان وەرگرتووە، ئێمە چاومان لە کۆی عێراقە و رووی قسەمان لەسەر لایەنێک یا رەوتێک بە تەنیا نییە".





ئەم هەواڵە 136جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad