English | عربی | Kurdî دواهەواڵ
ڕاستەوخۆ  
 
ئه‌فغانستان... به‌ تەقینەوەیەک دوو دیپلۆماتکاری رووسی كوژران
2022-09-05 [02:50 AM]

ZNA - هه‌ولێر


 

لە نزیک باڵیۆزخانەی رووسیا لە کابولی پایتەختی ئەفغانستان ته‌قینه‌وه‌یه‌كی خۆكوژی روویدا له‌ ئه‌نجامدا دوو دیپلۆماتکاری رووسی گیانیان لەدەستداوە و چەندین کەسی دیکەش برینداربوونە.

ئاژانسی دەنگوباسی رووسیی "ئارتی" بەگوێرەی زانیارییەکانی وەزارەتی دەرەوەی رووسیا، بڵاویکردووەتەوە، لەو کاتەیدا کۆمەڵە خەڵکێک لە پێش دەرگایەکی باڵیۆزخانە ریزببوون، کەسێکی خۆکوژ لێیان نزیکبووەوە و خۆی تەقاندەوە.

هەڵبەت "خالید زدران" وتەبێژی پۆلیسی تالیبان لە کابول، جیاواز لە ئاژانسی دەنگوباسی "ئارتی"، رایگەیاندووە کە "هاووڵاتییەکی سڤیل گیانی لەدەستداوە و 10ـی دیکەش برینداربوونە.

ئەو لە تویتێکدا نووسیویەتی، "خۆکوژەکە بەر لەوەی بگاتە پێش باڵیۆزخانە، لەلایەن پاسەوانانەوە کوژرا و ئەو تەقەمەنییەی کە پێیبووە، تەقیوەتەوە.

تا ئێستا ئاماری راستەقینەی رووداوەکە نادیارە، بەشێک لە میدیاکان باس لە ژمارەی زیاتری قوربانیان دەکەن.

هێزەکانی تالیبان چواردەوری شوێنی رووداوەکەیان گرتووە و ئێستا هاتوچۆ لەو ناوچەیە قەدەغەیە.

رووسیا یەک لەو دەگمەن وڵاتانەیە کە پەیوەندی نزیکی لەگەڵ تالیبان هەیە و دوای بەدەستەوەگرتنی دەسەڵات لەلایەن تالیبانەوە، مۆسکۆ باڵیۆزخانەکەی لە کابول بەکراوەیی هێشتەوە.





ئەم هەواڵە 124جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad