English | عربی | Kurdî دواهەواڵ
ڕاستەوخۆ  
 
لە ئەفغانستان بوومه‌له‌رزه‌یه‌ك روویدا، گیانله‌ده‌ستدان و بریندار هه‌یه‌
2022-09-05 [02:56 AM]

ZNA - هه‌ولێر


 

بوومەلەرزەیەک رۆژهەڵاتی ئەفغانستانی هەژاند و بەهۆیەوە لانیکەم شەش کەس گیانیان لەدەستدا و نۆ کەسی دیکەش بریندار بوون.

رۆژی دووشەممە 5ـی ئەیلوولی 2022، شەرەفەدین موسلیم، وەزیری ئیدارەدانی کارەساتەکان لە حکومەتی ئەفغانستان رایگەیاند، بوومەلەرزەیەک بە گوڕی 5.3 پلەی رێختەر ناوچە سنوورییەکانی رۆژهەڵاتی وڵاتەکەی هەژاندووە. گوتیشی، "بوومەلەرزەکە لە پارێزگاکانی کونار، لەغمەن، نەنگەهار و کابوولی پایتەختیش هەستی پێکراوە."

شەرەفەدین گوتیشی، دەستیان کردووە بە کۆکردنەوەی زانیاری لەو ناوچانەی زیانیان بەرکەوتووە و هەڵسەنگاندن بۆ زیانە گیانی و ماددییەکان دەکەن.

ئەم بوومەلەرزەیەی ئەفغانستان کەمتر لە سێ مانگ دوای بوومەلەرزەیەکی دیکە دێت کە بووە هۆی گیان لەدەستدانی زیاتر هەزار کەس.

رووداوەکانی بوومەلەرزە لە ئەفغانستان نامۆنین. بەتایبەتیش لەو ناوچانەی دەکەونە نزیک زنجیرە چیاکانی هیند و کوش کە دەکەوێتە نزیک بانە تەکتۆنییەکانی یۆرۆ ئاسیا و هیندی.

بوومەلەرزەکەی رۆژی 22ـی حوزەیرانی2022 لە ماوەی دوو دەیەدا خوێناویترینی وڵاتەکەبوو. بوومەلەرزەکە، کە گوڕەکەی 5.9 پلەی رێختەر بوو پارێزگاکانی خۆست و پاکتیکای لە رۆژهەڵاتی وڵاتەکە گرتەوە و لانیکەم هەزار کەس بەهۆیەوە گیانیان لەدەستدا و نزیکەی هەزار و 500 کەسیش بەهۆیەوە برینداربوون.

لە ساڵی 2015شدا 380 کەس لە ئەفغانستان و پاکستانی دراوسێی بەهۆی بوومەلەزەیەکەوە گیانیان لەدەستدا کە گوڕەکەی 7.5 پلەی رێختەر بوو.

 

رووداو





ئەم هەواڵە 169جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad