English | عربی | Kurdî دواهەواڵ
ڕاستەوخۆ  
 
بڕیارێكی نوێ له‌ وه‌زاره‌تی داراییه‌وه‌
2022-09-05 [03:01 AM]

ZNA- هەولێر


وەزارەتی دارایی لەبارەی ئەو موڵكانەی كە لە بڕی قەرزی حكوومی رەهن كراون، چەند بڕیارێكی تازە دەردەكات و موڵکانەی کە ڕەهن کراون بەرامبەر پێدانی قەرزی ئاسانکاری بە هیچ شێوەیەک مامەڵەیان پێوەناكرێت. 

لە راگەیاندراوێكدا وەزارەتی دارایی و ئابووری حكوومەتی هەرێمی كوردستان، بڵاوی كردەوە: "ئەو موڵکانەی کە ڕەهن کراون بەرامبەر پێدانی قەرزی ئاسانکاری بە هیچ شێوەیەک مامەڵەیان پێوەنەکرێت".

ئاماژە بەوەش كراوە، لەسەر ڕاسپاردەی وەزیری دارایی و ئابووری، بە گشتاندنێك چەند بڕیارێك دەرچووە:

١-پێویستە ڕێکارە یاساییەکانی وەرگرتنەوەی قەرزی ئاسانکاری بەردەوام بێت.

٢-ئەو موڵکانەی کە ڕەهن کراون بەرامبەر پێدانی قەرزی ئاسانکاری بە هیچ شێوەیەک مامەڵەیان پێوەنەکرێت.

٣-هەر موڵکێک کڕین و فرۆشتنی پێوەکرابێت لە لایەن هەر کەسێک ئێمە بەرپرسیار نین خۆیان (کڕیار و فرۆشیار) بەرامبەر بە یاسا بەرپرسیار دەبن.

٤-هەر موڵکێک پلەی بنبڕی وەرگرتبێت بە پێی ی (قانون تحصیل الدیون الحکومیە (٥٦) لسنە ١٩٧٧) و دەستکاری کرابێت و کرین و فرۆشتنی پێ کرابێت حکوومەتی هەرێمی کوردستان بەرپرسیار نیە.

٥-هەر موڵکێک مامەڵەی پێوە کرابێت بە زووترین کات ئاگادارمان بکەنەوە بۆ ئەوەی ڕێکاری یاسایی بەرامبەریان بگرینە بەر.

٦-ئەو مولکانەی فرۆشتنی ئاشکرای بۆ کراوە وە لە بەرژەوەندی بانک یەکلایی بۆتەوە دەبێت بە زووترین کات مامەڵەی بەناو کردنی بۆ بکرێت.





ئەم هەواڵە 730جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad