English | عربی | Kurdî دواهەواڵ
ڕاستەوخۆ  
 
هەولێر... كەمپی هەرشەم ئاگری گرت
2022-09-06 [09:17 AM]

​ZNA- هەولێر


ئەمڕۆ سێشەمە 2022.9.6، بەمەبەستی پێشکەشکردنى هه‌ماهه‌نگى لایه‌نه‌ په‌یوه‌ندیداره‌كان و ئاسانکارى بۆ پڕۆژەکانى پەرەپێدانى پارێزگاى هەولێر بۆ ساڵى 2022 و پتر خزمەتکردنى هاوڵاتیان، بەسەرپەرشتی ئومێد خۆشناو، پارێزگاری هەولێر و ئامادەبوونى هێمن قادر و مەسعود کاڕەش، جێگرانى پارێزگار و نەبەز عەبدولحەمید، قائیمقامى ناوەند و سۆزان ئیبراهیم، نوێنەرى ئەنجومەنى وەزیران و مەولود سابیر، بەرێوەبەرى گشتیى بانکەکان و محه‌مه‌د عه‌بدولقادر، بەڕێوەبەرى گشتیى ژمێریارى و بەڕێوەبەرى گەنجینەى هەولێر و ژمارەیەکى دیکە لە بەرپرسان، لەدیوانی پارێزگا، کۆبوونەوەیەک ئەنجامدرا.

لەکۆبوونەوەکەدا، پارێزگارى هەولێر، وێڕاى دەست خۆشى لەلایەنە پەیوەندیدارەکان بۆ جێبەجێکردنى ئەرک و کارەکانیان، ڕایگەیاند: "لە ژێر فەرمان و ڕاسپاردەی ڕێزدار مەسرور بارزانى، سەرۆکی حکومەتی هەرێمی کوردستان، بە گوژمەى زیاتر لە (60) ملیار دینار، (122) پڕۆژە لە چوارچێوەى پڕۆژەکانى پەرەپێدانى پارێزگاى هەولێر ئەنجامدەدرێت کەبەشى زۆرى ڕێگا وبان و شەقامە و گرنگى زۆریش دراوە بە کەرتى پەروەردە و تەندروستى و تۆڕەکانى ئاو و کارەبا. ئەم پڕۆژانەش بەشێوەیەکى یەکسان  لە نێوان شار و دەرەوەی شار لەگەڕەکە هەژارنشینەکان و کۆمەڵگا و ناحییە و قەزا و گوندەکان و ئەو شوێنانە دەستپێدەکەین كه‌ كه‌مترین ده‌ستى خزمه‌تگوزارییان پێگه‌یشتووه‌ یان له‌ڕابردوودا نه‌توانراوه‌ وه‌ك پێویست خزمه‌تیان بكرێت".

لەکۆتایشدا پارێزگارى هەولێر، تەئکیدى لە ئامادەکارییەکان بۆ دەستکردن بە پڕۆژەکانى پەرەپێدانى پارێزگاى هەولێر بۆ ساڵى 2022 کردەوە و لایەنە پەیوەندیدارەکانیشى ڕاسپارد ئەوپەڕى ئاسانکاریی و هاوکاری و پاڵپشتیى پێشکشە بکەن و وەک یەک تیم کاربکەن لەپێناو خزمەتکردنى زیاترى هاوڵاتییانى سنوورى پارێزگاى هەولێر.

ئەمرۆ بەیانی ئاگر لە کەمپی ھەرشەم لە سنووری پارێزگای ھەولێر کەوتەوە و بەھۆیەوە، شەش ماڵی ئاوارەکان سووتان، بەڵام جگە لەزیانی ماددی هیچ زیانی گیانی نەبووە.

بەیانی ئەمڕۆ سێشەممە 6-9-2022 ئاگر لە کەمپی ھەرشەم لە سنووری پارێزگای ھەولێر کەوتەوە، بەوھۆیەوە ، شەش ماڵی ئاوارەکانی ناو کەمپەکە سووتاون، بەڵام زیانی گیانی نەبووە.

کەمپی ھەرشەم لە ساڵی 2015 دا لە نزیک شارۆچکەی عەنکاوە سەربە پارێزگای ھەولێر دروستکراوە کە ئاوارەکانی قەزای شنگال تیایدا نیشتەجێکراون.

لە ماوەکانی رابردوودا، چەندین حاڵەتی ئاگرکەوتنەوە لە کەمپی ھەرشەم روویانداوە کە جگە لە زیانی ماددیی، زیانی گیانیان نەبووە.

 





ئەم هەواڵە 235جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad