English | عربی | Kurdî دواهەواڵ
ڕاستەوخۆ  
 
سبه‌ی دادگای باڵای فیدڕاڵی بڕیار له‌سه‌ر هه‌ڵوه‌شاندنه‌وه‌ی په‌رله‌مان ده‌دات
2022-09-06 [05:12 AM]

ZNA-هەولێر


بڕیاره‌ سبه‌ی چوارشه‌م دادگای باڵای فیدڕاڵی عێراق كۆببێته‌وه‌ بۆ سه‌یركردنی داوای هه‌ڵوه‌شاندنه‌وه‌ی په‌رله‌مانی عێراق.

چاوه‌ڕوان ده‌كرێ دانیشتنه‌كه‌ی دادگای باڵای فیدڕاڵی عێراق دوای نیوه‌ڕۆی سبه‌ی چوارشه‌م به‌ڕێوه‌ بچێت، ئه‌مه‌ دوای ئه‌وه‌ی هه‌فته‌ی ڕأبردوو به‌هۆی خۆپیشاندان و ئاڵۆزییه‌كانی شاری به‌غدا دانیشتنه‌كه‌ دواخرابوو.

به‌گوێره‌ی زانیارییه‌ میدیاییه‌كانی عێراق پێشبینی ده‌كرێ دادگای باڵای فیدڕاڵی له‌ چوارچێوه‌ی مادده‌ی 64ی ده‌ستووری هه‌میشه‌یی عێراق وه‌ڵامی داواكه‌ بداته‌وه‌ كه‌ تێیدا هاتووه‌ هه‌ڵوه‌شاندنه‌وه‌ی په‌رله‌مان له‌لایه‌ن خودی په‌رله‌مان یاخود له‌سه‌ر داوای سه‌رۆك كۆماره‌وه‌ ده‌بێت.

هه‌روه‌ها پێشبینی ده‌كرێ دادگای باڵای فیدڕاڵی له‌ دانیشتنه‌كه‌ی سبه‌ی چوارشه‌م ته‌نیا ڕاسپارده‌ له‌سه‌ر هه‌ڵوه‌شاندنه‌وه‌ی په‌رله‌مان و ئه‌نجامدانه‌وه‌ی هه‌ڵبژاردنی پێشوه‌خته‌ ده‌ربكات، نه‌ك بڕیاری كۆتایی و یه‌كلاكه‌ره‌وه‌ی له‌سه‌ر بدات.

به‌گوێره‌ی مادده‌ی 64ی ده‌ستووری عێراق بۆ هه‌ڵوه‌شاندنه‌وه‌ی په‌رله‌مان دوو ڕێگا دیاری كراوه‌ كه‌ ئه‌وانیش پێكهاتوون له‌‌:-

یەکەم: ئەنجوومەنی نوێنەران هەڵدەوەشێتەوە، بە زۆرینەی ڕەهای ئەندامەکانی، لەسەر داوای یەک لەسەر سێی ئەندامەکانی، یان داواکاری سەرۆکی حکوومەت و بە ڕەزامەندی سەرۆک کۆمار.

دووەم: سەرۆکی کۆمار، دوای هەڵوەشاندنەوەی په‌رله‌مان، داوای هەڵبژاردنی گشتی لە وڵات دەکات لە ماوەیه‌كدا كه‌ له‌ ماوەی شەست ڕۆژ زۆرتر نه‌بێت لە ڕێكه‌وتی هەڵوەشاندنەوەی، و ئەنجوومەنی وەزیران لەم حاڵەتەدا بە دەستلەکارکێشاوە هەژمار دەکرێت و به‌ كاربه‌ڕێكه‌ر كاره‌كانی ڕۆژانه‌ی ئه‌نجام ده‌دات.





ئەم هەواڵە 178جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad