English | عربی | Kurdî دواهەواڵ
ڕاستەوخۆ  
 
حكوومه‌تی فه‌ره‌نسا ره‌خنه‌ی توند له‌ پێكه‌نینه‌كه‌ی گاڵتیێ و مباپێ ده‌گرێت
2022-09-06 [05:16 AM]

ZNA-هەولێر


حکومەتی فەرەنسا رەخنەی توند لە کریستۆف گاڵتیێ و کیلیان مباپێ دەگرێت و هەڵسوکەوتەکانیان بە بێڕێزیکردن هەژمار دەکات.

لە کۆنگرەی رۆژنامەوانی پێش یاریی بەرامبەر یۆڤێنتۆس له‌ چامپیۆنزلیگ، کریستۆف گاڵتیێ و کیلیان مباپێ بەو پێشنیازە پێکەنین کە یەکێک لە رۆژامەنووسانەکان لێی پرسین بۆچی لە یاریی ئەم هەفتەیان بەرامبەر نانت بە فڕۆکە گەشتیان کرد لەکاتێکدا بەکارهێنانی سووتەمەنی فڕۆکە دەبێتە هۆی پیسبوونی ژینگە و گۆڕانی کەشوهەوا.

برونۆ لۆ میر وەزیری دارایی و ئابووری رەخنەی توندی لە پێکەنینەکەی گاڵتیێ و مباپێ گرت و داوای لێکردن کە بابەتی گۆڕانی کەشوهەوا بە جددی وەربگرن و لە لێدوانێکی بۆ میدیاکانی فەرەنسا گوتی: پێموایە ئەم بابەتە پێکەنینی ناوێت.

یەکێک لە کۆمپانیاکانی هێڵی ئاسنینی گەشتی دوور و درێژ داوای لە پاریس سانجێرمان کردبوو گەشتەکانیان بۆ یارییەکان بە شەمەندەفەر ئەنجام بدەن لە جیاتی ئەوەی فڕۆکە بەکار بهێنن، گاڵتیێ لە وەڵامی ئەو پێشنیارە گوتی ئێمە لە رێگای ئەو کۆمپانیایەی گەشتەکانمان رێکدەخات داوامان کردووە بە یەخت گەشتەکانمان بکەین.

لە تۆڕە کۆمەڵایەتییەکان رەخنەی توندی لە لێدوان و پێکەنینەکانی مباپێ گیرا، له‌ كاتێكدا ئێستا چه‌ندان رێكخراو له‌ جیهاندا كار بۆ ئه‌وه ده‌كه‌ن كه‌مترین سووته‌مه‌نی بۆ پێدوایستییه‌كانی ژیان به‌كاربێت، چونكه‌ ئه‌و گاز و سووته‌مه‌نیانه‌ له‌ هه‌وادا مادده‌ی ژه‌هراوی دروست ده‌كه‌ن.





ئەم هەواڵە 511جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad