English | عربی | Kurdî دواهەواڵ
ڕاستەوخۆ  
 
حكوومه‌تی هه‌رێم بڕیاریدا بۆ‌ وه‌رزی زستان نه‌وتی سپی به‌سه‌ر هاووڵاتییان دابه‌ش ده‌كرێ
2022-09-07 [06:01 AM]

ZNA-هەولێر


حكوومه‌تی هه‌رێمی كوردستان له‌ كۆبوونه‌وه‌ی ئه‌مڕۆ چوارشه‌می ئه‌نجوومه‌نی وه‌زیراندا بڕیاری دا بۆ‌ وه‌رزی زستان نه‌وتی سپی به‌سه‌ر هاووڵاتییان دابه‌ش بكات.

ئه‌مڕۆ چوارشه‌م ئه‌نجوومه‌نی وه‌زیرانی هه‌رێمی كوردستان به‌ سه‌رپه‌رشتی مه‌سرور بارزانی سه‌رۆكی ئه‌نجوومه‌نی وه‌زیران كۆبوونه‌وه‌ی هه‌فتانه‌ی خۆی ئه‌نجام دا.

له‌ یه‌كێك له‌ بڕگه‌كانی كۆبوونه‌وه‌كه‌دا هه‌ریه‌ك له‌ وه‌زیران كه‌مال محه‌مه‌د ساڵح وه‌زیری سامانه‌ سروشتییه‌كان (به‌ وه‌كاله‌ت) و ئاوات شێخ جه‌ناب وه‌زیری دارایی و ئابووری، باسیان له‌ ئاماده‌كاری پێویست بۆ دابینكردنی نه‌وتی سپی بۆ هاووڵاتییان له‌ وه‌رزی زستان كرد هاوشێوه‌ی ساڵانی پێشوو به‌ هه‌ماهه‌نگی له‌گه‌ڵ حكوومه‌تی فیدڕاڵ.

له‌ كۆبوونه‌وه‌كه‌دا ئه‌نجوومه‌نی وه‌زیران بڕیاری دا له‌ ئێستاوه‌ ئاماده‌كاری پێویست بكرێت بۆ دابه‌شكردنی نه‌وتی سپی بۆ هاووڵاتییان به‌تایبه‌تیش بۆ ناوچه‌ سارد و شاخاوییه‌كان.

ئه‌نجوومه‌نی وه‌زیران هه‌روه‌ها وه‌زیری سامانه‌ سروشتییه‌كان (به ‌وه‌كاله‌ت) و وه‌زیری هه‌رێم بۆ كاروباری دانوستان له‌گه‌ڵ حكوومه‌تی فیدڕالی و نوێنه‌رایه‌تی حكوومه‌تی هه‌رێم له‌ به‌غدای ڕاسپارد بۆ ئه‌نجامدانی كاری پێویست له‌مباره‌یه‌وه‌.

 





ئەم هەواڵە 448جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad