English | عربی | Kurdî دواهەواڵ
ڕاستەوخۆ  
 
وەزیری تەندروستی: کوالیتی و نرخی دەرمان کۆنترۆڵ دەکرێت
2022-09-10 [02:23 AM]

ZNA-هەولێر


وەزیری تەندروستی حکومەتی هەرێمی کوردستان رایدەگەیەنێت، چاکسازی لە بواری دەرمان لە هەرێمی کوردستان دەستیپێکردووە و دەرمان لە رووی کوالیتی و نرخەوە کۆنترۆڵ دەکرێت.

سامان بەرزنجی، وەزیری تەندروستی حکومەتی هەرێمی کوردستان، ئەمڕۆ شەممە 10ی ئەیلوولی 2022، لە میانی بەشداریکردنی لە لوتکەی دەرمانسازیی عێراق/ هەرێمی کوردستان لە سلێمانی، گوتی: "لە هەرێمی کوردستان کۆمەڵێک چاکسازی چوونەتە بواری جێبەجێکردنەوە، وەک پێداچوونەوە بە رێنماییەکانی کۆمپانیاکان، کۆگاکردن و جوڵەی دەرمان لە هێنان و بردن، فراوانکردنی پشکنینەکان و زوو بە بازاڕکردنی ئەو  دەرامانانەی بۆ پشکنین دێت بۆ ئەوەی دوا نەکەوێت، دەمانەوێت هانی کۆمپانیاکان بدەین کە دەرمان دێننە هەرێمی کوردستان بە رێگەی کوالیتی کۆنترۆڵی بێت".

گوتیشی: "لە هەموو ئەمانە گرنگتر چاکسازیکردن بوو لە جۆری ستیکەری دەرمان، کە گۆڕانکاری بوو لەو سیستەمە لە کاغەزییەوە بۆ سیستەمی بە یەکبەستنەوەی دەرمانخانەکان بە سیستەمی ئەلیکترۆنییەوە، بۆ چاودێریکردنی کۆدەکان، لە داهاتوودا هەموو هاووڵاتییەک دەتوانێت پێش کڕینی دەرمان هەموو دۆسیەکەی ببینێت و بخوێنێتەوە، کە ئەو سیستمەمە دژە ساختە دەبێت و ئەستەمە جارێکی دیکە بتوانرێت ساختە لە ستیکەری دەرمانەوە بکرێت، هەروەها دەرمان لە رووی کوالیتی و نرخەوە کۆنترۆڵ دەکرێت".

لەبارەی نرخی دەرمان وەزیری تەندروستی، راشیگەیاند: "پێداچوونەوە بە نرخی دەرمان کراوە، لە بەرژەوەندی هاووڵاتییان نرخەکان یەکدەخرێنەوە".

 





ئەم هەواڵە 553جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad