English | عربی | Kurdî دواهەواڵ
ڕاستەوخۆ  
 
ئەمڕۆ شەممە 10ی ئەیلوولی 2022، مەسرور بارزانی، سەرۆکی حکومەتی هەرێمی کوردستان لە شاری هەولێر بەشداریی لە ئاهەنگی دەرچوونی قوتابییانی زانکۆی هەولێری پزیشکی کرد و تێیدا گوتارێکی پێشکەش کرد
2022-09-10 [04:51 AM]

ZNA-هەولێر


 

پوختەیەک لە گوتەکانی سەرۆکی حکومەتی هەرێمی کوردستان:

* پزیشكیی پیشە و ئەركێكی زۆر پیرۆز و مرۆڤانەیە كە پێویستە بەر لە هەر شتێک ئامانجەكەی ڕزگاركردنی ژیانی خەڵک و پاراستنی تەندروستییان بێت.
* هیوادارم هەمیشە و بەر لە هەر شتێك لایەنە مرۆییەكەی پیشەكەتان لەبەر چاو بێت.
* بێگومان لەگەڵ دەرچوونتان لە زانکۆ، قۆناغێكی ژیانتان كۆتایی دێت، بەڵام فێربوون كۆتایی نایەت، چونكە فێربوون پرۆسەیەكی بەردەوامە لە ژیانی مرۆڤ و مرۆڤ لە ژیانیدا پێویستە بەردەوام بێت لە هەوڵی گەڕان بە دوای زانست و زانیاری و فێربووندا.
* بواری پزیشكی و تەندروستی وەک زۆر بواری دیكە، لە پێشكەوتنی بەردەوامدایە، بۆیە دەبێ ئێوەش هەمیشە لە هەوڵی بەردەوام و بێوچاندا بن لەپێناو بەدەستهێنانی زانیاریی نوێ.
* حكومەتی هەرێمی كوردستان لەپێناو پەرەپێدان و پێشخستنی ئاستی زانستی و ئەكادیمیی زانكۆ و دامەزراوە پەروەردەییەكانمان، دەستەی متمانەبەخشین بە پرۆگرام و دامەزراوەكانی پەروەردە و خوێندنی باڵامان پەسەند كرد.

* یەكێک لە لایەنە گرنگەكانی چاكسازیی كابینەی نۆیەمی حكومەتی هەرێمی كوردستان، چاكسازیكردنە لە لایەنی تەندروستی و باشتركردنی كوالێتیی نەخۆشخانەكان و چاكسازیكردنە لە هاوردەكردن و پشكنین و چاودێریكردنی داوودەرمان.
* دەستمان بە چەند هەنگاوێك كردووە كە هیوادارم بە هاوكاریكردنی هەموو لایەک، بەتایبەتی پسپۆڕانی ئەم بوارە، لە ناوەوە و دەرەوەی كوردستان، بتوانین كەرتی تەندروستی لە كوردستان بە ئاستێک باش بكەین كە ببێتە نموونە لە ناوچەكەدا.
* باشتركردن و پێشخستنی كەرتی تەندروستی تەنها ئەركی حكومەت نییە، بەڵكو پێویستی بە هەماهەنگی و هاوكاری و پشتیوانیكردنی پزیشكان و كۆمەڵگە بەگشتی هەیە.

* ئومێدێكی زۆرم بە گەنجە دەرچووەكانی خۆمان هەیە كە دەتوانن ڕۆڵێكی كاریگەر لە پرۆسەی گۆڕانكاری و چاكسازی و بەرەوپێشبردنی هەرێمی كوردستان ببینن.
* من بەردەوام دەبم لە پشتیوانیكردنی ئێوە، پشتیوانی لە پرۆژە و بیرۆكەی داهێنەرانەتان دەكەم، دڵنیاشم ئێوە توانا و بیرۆكەیەكی زۆرتان هەیە بۆ پێشخستنی كوردستان.
* پێویستە هەموومان سەری ڕێز و نەوازش بۆ بنەماڵەی سەربەرزی شەهیدان دابنەوێنین، سوپاسی ماندووبوون و زەحمەت و شەونخوونیی پێشمەرگە و هێزە ئەمنییەكانی خۆمان بكەین كە ئەم دەرفەتەیان بۆ ئێمە ڕەخساندووە.





ئەم هەواڵە 196جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad