English | عربی | Kurdî دواهەواڵ
ڕاستەوخۆ  
 
فەرمی.. یانەی دهۆک سەرکەوتنی بۆ خولی نایابی عێراق بەدەستهێنا
2022-09-10 [06:37 AM]

ZNA - هەولێر


لە قۆناخی کۆتایی پلەی ئۆفی یانە نایابەکانی عێراق، یانەی دهۆک توانی سەرکەوتنێکی گەورە تۆمار بکات، دوای ئەوەی بە دوو گۆڵی بێوەڵام بەسەر یانەی ئەمانەی بەغداد سەرکەوت.

 

دهۆک بەم سەرکەوتنە توانی بگات بە ریزی یانە بەشداربووەکانی وەرزی داهاتووی خولی نایابی عێراق

 

لە دەستپێکی یارییەکە دهۆک بە پلانی هێرشبردن گوشاری بۆ سەر گۆڵی ئەمانەی بەغداد برد، بەرهەمەکەی دوای 15 خولەک چنییەوە، کاتێک پرێنس ئۆکۆپۆ توانی گۆڵی پێشکەوتن بۆ دهۆک تۆمار بکات.

 

دهۆکییەکان بە ورەیەکی بەرزەوە لەپێناو سەرکەوتن تێدەکۆشان و سوودیان لە هەڵەکانی یاری رابردوو وەرگرت، هەربۆیە توانییان پارێزگاری لە پێشکەوتنەکەیان بکەن و هەمان سیناریۆی یاری پێشوویان دووبارە کردەوە کاتێک کەریم دلی گۆڵی دووەمی بۆ دهۆک لە خولەکی 81 تۆمار کرد.

 

ئەنجامی یارییەکە تاوەکو فیکەی کۆتایی ناوبژیوان بە 2-0 لەبەرژەوەندی دهۆک مایەوە، بەمەش دهۆک لە پلەی ئۆفی یانەکانی عێراق پلەی یەکەمی بەدەستهێنا و سەرکەوتنی بۆ وەرزی داهاتووی خولی نایابی عێراق مسۆگەر کرد.

 

وەرزی داهاتوو چوار یانەی هەرێمی کوردستان بەشداری خولی نایابی عێراق دەکەن، یانەکان پێکهاتوون لە یانەی هەولێر، زاخۆ، نەورۆز و دهۆک

 

رووداو 





ئەم هەواڵە 208جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad