English | عربی | Kurdî دواهەواڵ
ڕاستەوخۆ  
 
وەزارەتى خوێندنى باڵا ئاگاداری ده‌رچووانی 12ی ئاماده‌یی ده‌كاته‌وه‌
2022-09-12 [11:19 AM]

ZNA - هه‌ولێر


 

وەزارەتى خوێندنى باڵا و توێژینەوەى زانستى ناوی بەکارهێنەر و وشەی تێپەڕ (یوزەرنەیم و پاسوۆرد)ـى بۆ سەرجەم دەرچووانى دوانزەى ئامادەیى ئامادە کردووە و ئاراستەى وەزارەتى پەروەردە و بەڕێوەبەرایەتى گشتى ئەزموونەکانی کردووه‌.

ئه‌مڕۆ دووشه‌ممه‌ 12ـی ئه‌یلوولی 2022، عەباس ئەکرەم، گوتەبێژى وەزارەتى خوێندنى باڵا و توێژینەوەى زانستى رایگه‌یاند، دواى هەوڵەکانى وەزارەت و بەڕێوەبەرایەتى گشتى خوێندن، پلاندانان، بەدواداچوون و ناوەندى وەرگرتن، ناوی بەکارهێنەر و وشەی تێپەڕ (یوزەرنەیم و پاسوۆرد) بۆ سەرجەم دەرچوانى دوانزەى ئامادەیى ئامادەکران و ره‌وانه‌ی وەزارەتى پەروەردە/ بەڕێوەبەرایەتى گشتى ئەزموونەکان كران.

لەبارەى کاراکردنى زانکۆلاین بۆ دەرچووانى دوانزەى ئامادەیى عه‌باس ئه‌كره‌م رایگه‌یاند، سەرەتاى هەفتەى داهاتوو زانکۆلاین بۆ دەرچووانى دوانزەى ئامادەیى کارا دەکرێت و پێش کاراکردنیشى لە راگه‌یه‌ندراوێكی رۆژنامەوانیدا وردەکارییەکەى بۆ دەرچووان دەخرێتەڕوو.

گوته‌بێژی وه‌زاره‌تی خوێندنی باڵا و توێژینه‌وه‌ی زانستی داوا لە دەرچووانى پۆلی دوانزەى ئامادەیى دەکات لە بەیانییەوە دەتوانن خۆیان سەردانى خوێندنگەکانیان بکەن بۆ وه‌رگرتنه‌وه‌ی ناوی بەکارهێنەر و وشەی تێپەڕ (یوزەرنەیم و پاسوۆرد).

ئاماژه‌ به‌وه‌شدراوه‌، پێویستە دەرچووان بەباشى پاسۆرد و یوزەرنەیمەکانیان بپارێزن، چونکە دواتر لەڕێگەى ئه‌و (پاسۆرد و یوزەرنەیم)ـه‌ دەتوانن (زانکۆلاین) پڕبکەنەوە.

خوێندن لە هەرێمی کوردستان بەسەر چەند قۆناغێکدا دابەشكراوە، قۆناغەکانی بنەڕەتی (1 بۆ 9) و ئامادەیی (10 بۆ 12) لە چوارچێوەی وەزارەتی پەروەردەدا، قوتابیان وانەکانیان دەخوێنن و لە کۆتایی قۆناغی 12 دا پێش چوونە زانکۆ، قوتابیان بەشداری تاقیکردنەوەی ئەزموونە گشتییەکان دەکەن و دواتر لە رێگەی سیستمی زانکۆ لاینەوە، بەگوێرەی نمرە و خواست، قوتابیان لە بەش و کۆلێژە جیاوازەکانی زانکۆکاندا وەردەگیرێن، کە دەچێتە چوارچێوەی وەزارەتی خوێندنی باڵاوە.

لە هەرێمى کوردستان تا ئێستا 18 زانکۆى حکومى هەیە، کە دابەشبوون بەسەر شارەکانى هەرێمی کوردستان، هاوکات 18 زانکۆ یان لقی زانکۆیی تایبەت لە شارەکانی هەرێمی کوردستاندا کراونەتەوە.

 





ئەم هەواڵە 205جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad