English | عربی | Kurdî دواهەواڵ
ڕاستەوخۆ  
 
پنتاگۆن: ئەمریکا پێدانی فڕۆکەی جەنگیی بە ئۆکراینا تاوتوێ دەکات
2022-09-13 [11:35 AM]

ZNA - هه‌ولێر


 

گەورە بەرپرسێکی وەزارەتی بەرگریی ئەمریکا (پنتاگۆن) ئاشكرای كرد، لە داهاتوودا لە رووی پێداویستییە سەربازییەکانی ئۆکرایناوە بە دڵنیایییەوە فڕۆکەی جەنگیش تاوتوێ دەکەین، بەوەی کە بەردەوام هەڵسەنگاندن بۆ پێداویستییە سەربازییەکانی جەنگی ئۆکراینا دەکەن.

گەورە بەرپرسێکی وەزارەتی بەرگریی ئەمریکا کە نەویستووە ناوی ئاشکرا بکرێت لەبارەی جەنگی نێوان رووسیا و ئۆکرایناوە بۆ ژمارەیەک میدیاکار لە پنتاگۆن دواوە و بە ئاماژەدان بەوەی کە بەردەوام هەڵسەنگاندن بۆ پێداویستییە سەربازییەکانی جەنگی ئۆکراینا دەکەن و لە هاوکاریکردنی سوپای ئۆکراینا بە تایبەت بۆ بەهێزکردنی توانای بەرگریی ئاسمانیی بەردەوام دەبن.

لە وەڵامی پرسیارێکیشدا لەبارەی ئەوەی کە داخۆ ئەمریکا فڕۆکەی جەنگیی بە ئۆکراینا دەدات، ئەو بەرپرسە گوتی: "لە داهاتوودا لە رووی پێداویستییە سەربازییەکانی ئۆکرایناوە بە دڵنیایییەوە فڕۆکەی جەنگیش تاوتوێ دەکەین. ئێستا ئەوێ فڕۆکەی لێن و لە دۆخێکی سەختدا کاریگەر بوون بۆ بەکارهێنان. ئەگەر پێویست بکات (پێدانی فڕۆکە) بۆ قۆناغی مامناوەند و درێژخایەن یەکێک دەبێت لەو بابەتانەی کە تاوتوێی دەکەین".

سەبارەت بە پێشهاتەکانی جەنگەکەیش بەرپرسەکە گوتی: "ئیدارەی سیاسیی و سەربازیی رووسیا تەنها لەبارەی پشتیوانی کۆمەڵگای نێودەوڵەتی بۆ ئۆکراینا نا، بەڵکو هەڵەی زۆر زەقی لەبارەی سوپاکەی خۆیشیەوە کرد و لە زۆر خاڵ سوپای رووسیا بە لاوازی بیندرا".

 

AA





ئەم هەواڵە 148جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad