English | عربی | Kurdî دواهەواڵ
ڕاستەوخۆ  
 
زانكۆکانی سەڵاحه‌دین و دهۆك و سۆران یاداشتنامه‌یەکیان واژوو کرد
2022-09-17 [12:50 PM]

ZNA - هه‌ولێر


 

لە دیوانی سەرۆکایەتیی زانکۆی سەلاحەدین-ھەولێر، بەئامادەبونى دکتۆر ئه‌میر عەبدولرەحمان ئەحمەد ڕاوێژكاری وه‌زیر و نوێنەرى وەزیرى خوێندنی باڵا و توێژینه‌وه‌ی زانستی، یاداشتنامه‌یەکى لێكتێگه‌یشتن لەنێوان هەریەک لە دکتۆر کامەران یونس محەمەد ئەمین، سەرۆکی زانکۆی سەلاحەدین-ھەولێر و دکتۆر داود سلێمان ئه‌تروشی سه‌رۆكی زانكۆی دهۆك و دکتۆر شێراون شەریف قرتاس سه‌رۆكی زانكۆی سۆران ئیمزا کرا.

بەو بۆنەیەوە نوێنەرى وه‌زیرى خوێندنی باڵا و توێژینه‌وه‌ی زانستی لە گوتەیەکیدا دەستخۆشیی ئیمزاکردنى یاداشتنامه‌یەکى لێكتێگه‌یشتنى نێوان هەرسێ زانکۆکەى لە سەرۆکى زانکۆکان کرد و گوتى "شادمانم له‌ مه‌راسیمێكی شایسته‌ و ئه‌كادیمی ئاماده‌بووم بۆ مه‌به‌ستی واژۆكردنی یاداشتنامه‌ی لێكتێگه‌یشتن، کە تایبەتە بە ئه‌نجامدانی كاری هاوبه‌ش له‌نێوان سێ زانكۆی گه‌وره‌ی هه‌رێمی كوردستان، هیواشى خواست ئەم یاداشتنامەیە ببێتە بناغەیەکى باش بۆ داهاتویەکى گەش و پێگەیاندنى نەوەکانى دواڕۆژ".

لە بەشێکى دیکەى مەراسیمەکەدا، هەریەک لە سه‌رۆكی زانكۆی سه‌لاحه‌دین-هه‌ولێر، سەرۆکى زانکۆى دهۆک لەگەڵ سەرۆکى زانکۆى سۆران بەجیا گوتەیان پێشکەش کرد، لە گوتەکانیاندا جەختى لە گرنگیی ئیمزاکردنى ئەو یاداشتنامەیە کردەوە تا بتوانن لە چوارچێوەى سیستم و ڕێکەوتنێکى هاوبەشدا خزمه‌تی زیاتر پێشکەش بە قوتابیان و خوێندکاران و پڕۆسەى خوێندن لە هەرێمى کوردستان بکەن.

 





ئەم هەواڵە 151جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad