English | عربی | Kurdî دواهەواڵ
ڕاستەوخۆ  
 
کۆمەڵەی مافی مرۆڤی کوردستان: لە خۆپێشاندانەکەی سەقز کوژراو و بریندار هەن
2022-09-18 [07:34 AM]

ZNA-هەولێر


هاوسەرۆکی کۆمەڵەی مافی مرۆڤی کوردستان رایگەیاند، لە خۆپێشاندانەکەی دوێنێی سەقز کە دوای بەخاک سپاردنی ژینا ئەمینی دژی بەلاڕێدانەبردنی کەیسەکەی بەڕێوەچوو، کوژراو و بریندار هەن، گوتیشی، دەیان کەسیش بەوهۆیەوە دەستگیرکراون.

 

باهۆز هۆژەبیری، هاوسەرۆکی کۆمەڵەی مافی مرۆڤی کوردستان باسی لەوەش کرد کە شەوی رابردوو خۆپێشاندەرێک گیانی لەدەستداوە و هێزە ئەمنییەکان گوشاریان لە کەسوکاری ژینا ئەمینی کردووە.

 

رۆژی شەممە لە رێوڕەسمێکی قەرەباڵخدا و بە ئامادەبووی هەزاران کەس تەرمی ژینا ئەمینی، ئەو کچە کوردەی کە بە پاساوی "پابەند نەبوونی بە بڕیاری باڵاپۆشییەوە" دەستگیرکرا و دواتر گیانی لەدەستدا، بە خاک سپێردرا.

 

دوای بە خاک سپاردنەکەی، بەشداربووانی رێوڕەسمەکەی ژینا ئەمینی چوونە بەردەم قایمقامییەتی سەقز و درووشمیان دژی دەسەڵات گوتەوە کە بەهۆیەوە گرژی لە نێوان خەڵک و هێزە ئەمنییەکان دروستبوو. 

 

ئەو هاوسەرۆکەی رێکخراوی مافی مرۆڤی کوردستان باسی لەوەش کرد کە هەر لەسەرەتای دەستپێکردنی رێوڕەسمی بەخاک سپاردنی تەرمی ژینا، رووبەڕووبوونەوە روویدا. گوتیشی، هێزە ئەمنییەکان دەیانویست بەیانیی زوو تەرمەکەی بەخاک بسپێردرێت بۆ ئەوەی قەرەباڵخی دروست نەبێت، بەڵام بنەماڵەکەی رازی نەبوون و پێداگرییان کرد کە بەبێ ئامادەبوونی خەڵك نەینێژن.

 

بەگوتەی باهۆز هۆژەبیری، لە سەرەتای هێرشەکەوە هێڵی ئینتەرنێت زۆر لاواز بوو، بۆیە زانیارییە وردەکان لەبارەی برینداران و مردووان تاوەکو ئێستا بەدروستی بەردەست نییە.

 





ئەم هەواڵە 217جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad