English | عربی | Kurdî دواهەواڵ
ڕاستەوخۆ  
 
میسان ... بازرگانێكی ماددەى هۆشبەر بە 40 کیلۆ کریستاڵەوە دەستگیر كرا
2022-09-19 [12:10 PM]

ZNA - هه‌ولێر


 

دەزگاى ئاسایشى نیشتیمانیى عێراق رایگەیاند، "مەترسیدارترین" بازرگانى ماددەى هۆشبەریان لە پارێزگاى میسان بە 40 کیلۆ ماددەى هۆشبەرى کریستاڵەوە دەستگیرکردووە.

18ى ئەیلوولى 2022 دەزگاى ئاسایشى نیشتمانیى عێراق لە راگەیێندراوێکدا دەستگیرکردنى ئەو بازرگانەى ماددەى هۆشبەرى بڵاوکردەوە و بە مەترسیدارترین ناوى بردووە.

بەگوێرەى راگەیێندراوەکە، لەکاتى دەستگیرکردنییدا ئەو تۆمەتبارەدا "40 کیلۆگرام ماددەى هۆشبەرى جۆرى کریستاڵى پێبووە و دوای وەرگرتنی گوتە لێى، دۆسێکەى ئاڕاستەى لایەنى دادوەرى تایبەتمەند کراوە". 

رۆژی 26ى ئابى 2022، عەقید بیلال سوبحى، بەڕێوەبەرى راگەیاندن و پەیوەندییەکانى بەڕێوەبەرایەتیى بنبڕکردنی ماددەى هۆشبەری عێراق بە تۆڕى میدیایی رووداوى گوت: "کریستاڵ بە گرام یان میلیگرام دەفرۆشرێت؛ نرخەکەى لە ناوچەیەکەوە بۆ ناوچەیەکى دیکە دەگۆڕدرێت؛ نرخى یەک گرامى لە هەندێک شوێن دەگاتە 80 هەزار دینارى عێراق".

بەگوێرەى ئامارەکانى بەڕێوەبەرایەتیی بنبڕکردنى ماددەى هۆشبەر و کاریگەرە هزرییەکانى عێراق، لە حەوت مانگى سەرەتاى ئەمساڵدا دەستگیراوە بەسەر (136) کیلۆ و (158) گرام ماددەى هۆشبەرى جۆرى کریستاڵ؛ زۆرترینی لە مانگى تەممووزدا بووە کە 29 کیلۆ و 560 گرام بووە.

 

رووداو





ئەم هەواڵە 121جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad