English | عربی | Kurdî دواهەواڵ
ڕاستەوخۆ  
 
فەڕەنسا: هەناردەکردنی کارەبا بۆ ئیتاڵیا ناوه‌ستێت
2022-09-19 [12:13 PM]

ZNA - هه‌ولێر


 

فەڕەنسا ئەو هەواڵانەی ڕەت کردەوە کە گوایە کۆمپانیای ئی دی ئێفی سەر بە دەوڵەتی فەڕەنسا هۆشداری داوەتە ئیتاڵیا لەسەر ئەوەی ڕەنگە هەناردەی کارەبا بۆ ئەو وڵاتە ڕابگرێت و جەختیشی لە " هاودەنگی " خۆی کردۆتەوە لەگەڵ دراوسێکانیدا، لەکاتێکدا کە ئەوروپا ڕووبەڕووی قەیرانی وزە بۆتەوە.

ڕۆژنامەی لا ڕیپۆبلیکای ئیتاڵی لە ماوەی ڕابردوودا بڵاویکردەوە ئیتاڵیا نوسراوێکی ئاگادارکردنەوەی لە کۆمپانیای ئی دی ئێفەوە بەدەست گەیشتووە و تیایدا باس لە ئەگەری ڕاگرتنی هەناردەکردنی کارەبا کراوە بۆ ماوەی دوو ساڵ، ئەوەش لە چوارچێوەی پلانەکانی فەڕەنسادا بۆ پاشەکەوتکردنی وزە.

دواتر وتەبێژێکی وەزارەتی گواستنەوەی ئیکۆلۆجی ئیتاڵیا ڕاپۆرتی ڕۆژنامەکەی پشتڕاست کردەوە.

وەزارەتی گواستنەوەی وزەی فەڕەنسا لە بەیاننامەیەکدا وتی " فەڕەنسا ئەم زانیارییە ڕەت دەکاتەوە و جەخت لە پابەندبوونی خۆی دەکاتەوە بە هاودەنگییەوە لەگەڵ دراوسێ ئەوروپییەکانیدا لەڕووی کارەبا و وزەوە."

وتەبێژێکی کۆمپانیای ئی دی ئێفیش ڕەتی کردەوە کۆمپانیاکە ئیتاڵیای ئاگادار کردبێتەوە سەبارەت بە ئەگەری ڕاگرتنی هەناردەکردنی کارەبا بۆ ئەو وڵاتە.

کاتێک سەبارەت بە ڕاپۆرتەکەی ڕۆژنامەی لا ڕیپۆبڵیکا پرسیاری لێکرا، وتەبێژەکەی وەزارەتی گواستنەوەی ئیکۆلۆجی ئیتاڵیا پەیوەندییەکەی لەگەڵ وەزارەتەکە پشتڕاست کردەوە و وتی " بەهۆی کێشەکانی فەڕەنساوە لەگەڵ وێستگە ناوەکییەکانیدا ئەم کێشەیە چەند مانگێکە زاندراوە."

وتیشی " دیارە دڵنیاییەک نیە کە ئەمە ڕوودەدات، بەڵام بۆ ئەوەی ئامادە بین، چەند مانگێکە تەکنیکارانی وەزارەتەکە کار لەسەر سیناریۆی جیاواز دەکەن."

چەند ساڵێکە فەڕەنسا دابینکردنی کارەبای ئەوروپادا، نزیکەی لە سەدا 15 ی ئەو کارەبایەی بەرهەمی دەهێنێت هەناردەی دەرەوەی دەکات.

بەپێی داتاکانی یۆرۆستات، فەڕەنسا لە ساڵی 2019 دا لە سەدا 5 ی کارەبای ئیتاڵیای دابینکردووە.

بەڵام لەم ساڵدا فەڕەنسا بەرهەمهێنانی کارەبای کەم بۆوە بۆ ئاستێک کە 30 ساڵ دەبێت نەگەیشتۆتە ئەو ئاستە، ئەوەش بەهۆی چاککردنەوەی ئەو وێستگە ناوەکییانەیەوە کە کارەبا بەرهەم دەهێنن.





ئەم هەواڵە 127جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad