English | عربی | Kurdî دواهەواڵ
ڕاستەوخۆ  
 
بایدن: لە ئەگەری داگیرکردنی تایوان لەلایەن چینەوە، سوپای ئەمریکا ئه‌و وڵاته‌ دەپارێزن
2022-09-19 [12:23 PM]

ZNA - هه‌ولێر


 

سەرۆکی ئەمریکا، جۆ بایدن رایگەیاند لە ئەگەری هێرشی چین بۆسەر تایوان، ئەوا سەربازانی ئەمریکا تایوان دەپارێزن.

بایدن لە میانی بەشداریکردن لە بەرنامەی "60 Minutes" کە شەوی رابردوو بەشێوەی تۆمارکراو لە تەلەڤیزیۆنی "CBS" بڵاو کرایەوە، لەبارەی تایوانەوە دوا.

لە وەڵامی پێشکەشکاری بەرنامەکە کە پرسی: "ئایا هێزەکانی ئەمریکا دوورگەکە (تایوان) دەپارێزن؟"، بایدن گوتی: "ئەگەر دووچاری هێرشێکی هاوشێوەنەبوو بووەوە، بەڵێ".

بایدن لە وەڵامی پرسیاری پێشکەشکارەکە کە پرسی: "جیاواز لە ئۆکراینا هێزەکانی ئەمریکا و کچان و کوڕانی سوپای ئەمریکا لە ئەگەری داگیرکردنی تایوان لەلایەن چینەوە، تایوان دەپارێزن؟"، بە وەڵامدانەوە بە "بەڵێ" جەختی لە لێدوانەکەی کردەوە.

لە وەڵامی پرسیاری "ئایا سەرۆکی کۆماری چینی میللیی، شی (جین پینگ) پێوستە چی بزانێت لەبارەی هەڵوێستی ئێوە لەبارەی تایوان؟"، بایدن گوتی: "داکۆکی لەوە دەکەین کە زۆر لەمێژە واژوومان لەسەر کردووە. پابەندین بە پرەنسیپی یەک چین و تایوان بەرەو سەربەخۆیی هەنگاو نانێت و هانیشیان نادەین بۆ ئەوە. بڕیاری سەربەخۆیی بە دەست خودی تایوانییەکانە".

ئەم گوتانەی بایدن تاکوو ئێستا روونترین لێدوان بوون کە پێچەوانەی سیاسەتی "ستراتیجیی ئاڵۆز"ی ئەمریکا بێت لەبارەی تایوان.

 

AA





ئەم هەواڵە 85جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad