English | عربی | Kurdî دواهەواڵ
ڕاستەوخۆ  
 
پڕۆژەی ئاوەڕۆ لە شەقامی 150 مەتری و ڕێگەی پیرمام ڕاگەیەنرا
2022-09-20 [12:13 PM]

ZNA - هه‌ولێر


 

 وەزیری شارەوانی و گەشتوگوزار دەستپێكردنی چوار پڕۆژەی درووستكردنی ئاوەڕۆی لە شەقامی 150 مەتریی هەولێر و ڕێگەی سەرەكیی پیرمام بە گوژمەی زیاتر لە هەشت ملیار دینار ڕاگەیاند و ئاماژەی بەوەش كرد كە سەرەڕای ئەو بارودۆخە داراییەی حكوومەتی هەرێم هەیەتی، بەڵام بە هەوڵ و رێنماییەكانی سەرۆكی حكوومەت بۆ یەك ڕۆژیش پڕۆژە و كارە خزمەتگوزارییەكان نەوەستاون و ناوەستن.

ئێوارەی ڕۆژی دووشەممە 19ی ئەیلوولی 2022، بە ئامادەبوونی ساسان عەونی وەزیری شارەوانی و گەشتوگوزار، ئومێد خۆشناو پارێزگاری هەولێر و ژمارەیەك لە بەڕێوەبەرانی گشتی و سەرۆكی شارەوانیی هەولێر و بەڕێوەبەر و دامودەزگەكانی تری وەزارەت، ڕێوڕەسمی دەستپێكردنی چوار پرۆژەی ئاوەڕۆ بەڕێوەچوو كە تێیدا وەزیری شارەوانی و گەشتوگوزار كەوتنە بواری جێبەجێكردنی پرۆژەكانی ڕاگەیاند.

ساسان عەونی وەزیری شارەوانی و گەشتوگوزار لە سەرەتای ڕێوڕەسمەكەدا وتارێكی پێشكەشكرد و لەبارەی گوژمە و جۆری پرۆژەكانەوە گوتی "ئەو پڕۆژانەی ئەمڕۆ كەوتنە بواری جێبەجێكردن، چوار پرۆژەن و بە گوژمەی هەشت ملیار دینار تەواو دەكرێن، كە بریتین لە درووستكردنی ئاوەڕۆیەك بە ژێر شەقامی 150 مەتریدا، لەگەڵ دوو پرۆژەی ئاوەڕۆ لە ڕێگەی هەولێر-پیرمام و خانزاد و پڕۆژەیەكی دیكەشیان درووستكردنی دیواری پاڵپشتە بە بەستەی ئاسنین و ئاوبەری سندووقی و كۆنكرێتكردنی لوولەیی و درووستكردنەوەی جۆگەكانی ناوەڕاستی ڕێگەی سەرەكیی مەلائۆمەر-پیرمام".

لە بەشێكی دیكەی قسەكانیدا ساسان عەونی، گوتیشی "هیوادارین جێبەجێكردنی ئەو پڕۆژانە ببێتە بەشێكی گرنگ لە چارەسەركردنی لافاو كە بە درێژایی ئەو شەقامە ڕوودەدات، ئەوەش لە ئەنجامی فراوانبوونی شار و چڕبوونی دانیشتووانی شاری هەولێر، جگە لە هۆكارە سەرەكی و سەربارەكان كە ئەوانیش گۆڕانی كەشوهەوا و ڕێژەی زۆری باران".

پاشان لە ڕێوڕەسمەكەدا ئومێد خۆشناو پارێزگاری هەولێر، وتارێكی پێشكەشكرد و تیشكی خستە سەر هەوڵەكانی حكوومەتی هەرێمی كوردستان بۆ چارەسەركردنی گرفتی لافاو لە شاری هەولێر و دەوروبەری و خۆشحاڵی خۆیشی بە جێبەجێكردنی ئەو چوار پڕۆژەیە ڕاگەیاند و جەختی لە گرنگیی پرۆژەكان بۆ شاری هەولێر كردەوە كە كاریگەریان لەسەر چارەسەركردنی گرفتی لافاو دەبێت.

لە بەشێكی دیكەی وتارەكەیدا ساسان عەونی وەزیری شارەوانی و گەشتوگوزار ڕایگەیاند "دەمەوێت لەو دەرفەتەدا جەخت لەسەر ئەوە بكەمەوە كە حكوومەتی هەرێمی كوردستان دووپات لەوە دەكاتەوە هەر كێشە و گرفتێك لە هەر شوێنێكی كوردستان هەبێت، هەوڵی چارەسەری بۆ دەدات و سەرەڕای ئەو بارودۆخە داراییەی كە حكوومەتی هەرێمی كوردستانیشی تێدایە، بەڵام ڕۆژێك لە رۆژان پرۆژە و كارە خزمەتگوزارییەكان نەوەستاون و ناوەستن، ئەمەش هەمووی بە سەرپەرشتی و ڕێنمایی بەردەوامی كاك مەسروور بارزانی سەرۆكی حكوومەتی هەرێمی كوردستان جێبەجێ دەكرێت".

 





ئەم هەواڵە 187جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad