English | عربی | Kurdî دواهەواڵ
ڕاستەوخۆ  
 
دووەمین پێشانگەی نێودەوڵەتیی گەشتیاری لە دهۆك بەڕێوە دەچێت
2022-09-21 [09:06 AM]

ZNA-هەولێر


 

بە بۆنەی ڕۆژی جیهانیی گەشتوگوزار بە سەرپەرشتیی بەڕێوەبەرایەتیی گشتیی گەشتوگوزاری پارێزگەی دهۆك بە هەماهەنگیی لەگەڵ دامودەزگە پەیوەندیدارەكانی سنووری پارێزگەی دهۆك، دووەمین پێشانگەی نێودەوڵەتیی گەشتیاری لە پارێزگەی دهۆك بەڕێوە دەچێت، كە ئەم پێشانگەیە یەكێكە لە بایەخدانەكانی حكوومەتی هەرێمی كوردستان لە ڕێگەی وەزارەتی شارەوانی و گەشتوگوزارەوە بە كەرتی گەشتوگوزار بۆ پەرەپێدانی سێكتەرەكە و زیادكردنی سەرچاوەكانی داهات.
پێشانگەكە كاتژمێر 5ی ئێوارە لە رۆژی (سێشەممە 27/9/2022) لە گۆڕەپانی تەلەفریكی چیای زاوا لە شەقامی بارزان لە پارێزگەی دهۆك بۆ ماوەی سێ ڕۆژ بە بەشداری زیاتر لە 150 كۆمپانیای ناوخۆ و بیانی دەستپێدەكات و تا 29ی مانگ بەردەوام دەبێت كە زیاتر لە سەد خیوەت و شوێنی تایبەت بۆ كۆمپانیا و لایەنە بەشدارەكان ئامادە دەكرێت.
ئامانج لە پێشانگەكە ناساندنی سێكتەری گەشتوگوزارە لە سنووری پارێزگەی دهۆك كە دەوڵەمەندترین پارێزگەیە لەسەر ئاستی هەرێمی كوردستان و عێراق لە بواری گەشتوگوزاردا، لە پێشانگەكەدا چەندین پرۆگرامی جیاواز پێشكەش دەكرێن، لەوانە نیشاندانی كاری دەستی و جلوبەرگی كولتووری و پێشكەشكردنی چەندین پانێلی ئەكادیمی تایبەت بە پەرەپێدانی گەشتوگوزار و واژووكردنی گرێبەستی گەشتوگوزار لەگەڵ كاری هونەری لەلایەن تیپە هونەرییەكان و سەدان جۆر لە كاری دیكە كە پەیوەندیدارن بە سێكتەری گەشتوگوزار.
جگە لە بەشداری كۆمپانیا و لایەنە پەیوەندیدارەكانی هەرێمی كوردستان لە بواری گەشتوگوزار، هاوكات وڵاتانی عێراق و لوبنان و توركیا و میسر و ئوردن و دوبەی و دومینیكا و سانت كیتس و ڕووسیا و ئێران لە ڕێگەی كۆمپانیاكانیانەوە بەشدار دەبن.
سەبارەت بە ئامادەسازییەكانی پێشانگەكە، ئێستا بە سەرپەرشتیی بەڕێوەبەرایەتیی گەشتوگوزاری پارێزگەی دهۆك سەر بە وەزارەتی شارەوانی و گەشتوگوزار ئامادەسازی زۆر باش كراوە و هێشتاش تیمە جیاوازەكانی ڕێكخەری پێشانگەكە لە كاركردن و ئامادەسازییەكانیان بەردەوامن كە چاوەڕێ دەكرێت بە سەدان هەزار كەس سەردانی پێشەنگەكە بكەن.
ڕاگەیاندنی وەزارەتی شارەوانی و گەشتوگوزار





ئەم هەواڵە 157جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad