English | عربی | Kurdî دواهەواڵ
ڕاستەوخۆ  
 
شاکیرا: لە پێناو پیکێ قوربانیمدا و ئێستاش لە کاتێکی سەختدام
2022-09-22 [09:42 AM]

ZNA - هەولێر


شاکیرای گۆرانیبێژی بەنێوبانگی کۆڵۆمبی دەڵێت بە سەخترین و خەمبارترین کاتەکانی ژیانیدا تێدەپەڕێت و باس لە پەیوەندیی خۆی و جێرارد پیکێ، بەرگریکاری یانەی بارسێلۆناش دەکات.

 

شاکیرا بۆ گۆڤاری ئایلی ئیسپانی قسەیکردووە و دەڵێت " دوو منداڵم لە پیکێ هەبوو، ئەو دەیویست تۆپی پێ بکات و نازناو بباتەوە، پێویستبوو لەسەرم پاڵپشتیی بکەم، دەبووایە گرێبەستەکەی لەگەڵ بارسێلۆنا هەڵبوەشێنێتەوە و لەگەڵ من بێتە ئەمریکا کە کارەکەم لەوێیە، یانیش من لەو شوێنە بەردەوامبم کە ئەو کاری تێدا دەکات."

 

گۆرانیبێژە کۆڵۆمبییەکە هێشتا گوتی " دەبووایە یەکێکمان قوربانی بدات، من ئەو قوربانیەمدا و هەوڵمدا کاروانی خۆم بخەمە پلەی دووەم و چوومە ئیسپانیا بۆ ئەوەی پاڵپشتیی پیکێ بکەم بۆ بەردەوامیدان بە یارییکردن و بەدەستهێنانی نازناوەکان، ئەوە شتێک بوو لە خۆشەویستیم بۆ ئەو کردم."

 

شاکیرا دەڵێت " گرنگ نییە شتەکان چۆن بوون، یان دوای جیابوونەوەمان من و پیکێ چ هەستێکمان بۆ یەکدی هەیە، ئەو باوکی کوڕەکەمە و پێویستە کاربکەین لەپێناو ئەم دوو منداڵە جوانانەمان."

 

هاوڕێی پێشووی پیکێ پەیامێک ئاراستەی ئەو کەسانە دەکات کە لەبارەی ئەو دووانەوە قسەدەکەن و دەڵێت " من لەو بڕوایەدام، بۆمان دەردەکەوێت کە چی باشترینە بۆ داهاتوو و باشترین چارەسەر بۆ هەموو لایەک چییە، هیوادارم خەڵک ئەو دەرفەتەمان پێبدات بۆ ئەوەی خۆمان ئەم کارە بکەین."

 

لە کۆتایی قسەکانیدا شاکیرا گوتی " هیچ شوێنێک نییە من خۆم و کوڕەکەم لە پاپارازییەکان بشارمەوە، جگە لە ماڵەکەم، ئێمە ناتوانین وەک خێزانێکی ئاسایی بە پێ لە پارکێکدا بڕۆین، یان بچین ئایسکرێم بخۆین بەبێ ئەوەی ئەوان بەدوامانەوە نەیێن."

 

پیکێ لە مۆندیالی 2010ـەوە پەیوەندیی لەگەڵ شاکیرای ئەستێرەی بەنێوبانگی کۆڵۆمبی هەبووە، خاوەنی دوو منداڵان بە ناوەکانی ساشا و میلان، بەڵام چوار مانگ لەمەوبەر لەیەکدی جیابوونەوە و ئەمەش کاردانەوەی زۆری بەدوای خۆیدا هێنا.

 

رووداو





ئەم هەواڵە 148جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad