English | عربی | Kurdî دواهەواڵ
ڕاستەوخۆ  
 
هۆشداری لەبارەی‌ خۆپیشاندانی تشرینییەکان دەدرێت
2022-09-24 [08:02 AM]

ZNA-هەولێر


هاوپه‌یمانی فه‌تح هۆشداری له‌ خۆپیشاندانی تشرینییەکان ده‌دات، جه‌ختیش ده‌كاته‌وه، ئه‌گه‌ر هه‌زاران خۆپیشاندانیش بكرێت، به‌بێ ره‌زامه‌ندی كورد و سوننه‌ ناتوانرێت ده‌ستوور بگۆڕدرێت‌.

محه‌مه‌د به‌لداوی، په‌رله‌مانتاری هاوپه‌یمانی فه‌تح هۆشداری له‌ لێكه‌وته‌كانی خۆپیشاندانی تشرینییەکان ده‌دات، كه‌ بڕیاره‌ له‌ یه‌كی مانگی داهاتوو ئه‌نجام بدرێت و هه‌ندێك لایه‌نیش به‌ هه‌وڵدان بۆ سواربوون له‌ شه‌پۆلی خۆپیشاندانه‌كان بۆ گه‌یشتن به‌ ده‌سه‌ڵات تۆمه‌تبار ده‌كات.

به‌لداوی له‌ لێدوانێكی رۆژنامەوانیدا گوتی: "ئه‌وانه‌ی نوێنه‌رایه‌تی تشرینییه‌كان ده‌كه‌ن، ده‌توانن داوای گۆڕینی ده‌ستوور بكه‌ن، به‌ڵام به‌گوێره‌ی رێكاری یاسایی، به‌ هه‌زاران خۆپیشاندانیش ناتوانرێت ده‌ستوور به‌ سه‌پاندنی ئیراده‌ به‌بێ ره‌زامه‌ندی لایه‌نه‌كان و كورد و سوننه‌ بگۆڕدرێت".

گوتیشی: "ئه‌وانه‌ی له‌ 2019 خۆپیشاندانیان كرد، داوای چاكسازییان ده‌كرد، به‌ڵام كاتێك ئاشكرا بوو، كه‌ هه‌ندێك لایه‌نی سیاسی سواری شه‌پۆله‌كه‌ بوونه‌، هه‌یبه‌ته‌كه‌ی له‌ده‌ستدا".

لە تشرینی 2019، لە بەغدا و چەند شارێکی دیکە، خۆپیشاندانی بەرفراوان دژی حکومەتی عێراق ئەنجامدرا و داوای هەڵوەشاندنەوەی حکومەت و گۆڕانکاریان دەکرد، بەهۆی فشاری ئەوانیشەوە هەڵبژاردنی پێشوەختە لە عێراق ئەنجامدرا. چەند ساڵێکیشە لەو یادەدا و لە سەرەتای مانگی ئۆکتۆبەر، تشرینییەکان خۆپیشاندان دەستپێدەکەنەوە.





ئەم هەواڵە 400جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad