English | عربی | Kurdî دواهەواڵ
ڕاستەوخۆ  
 
وەزارەتی دەرەوەی عێراق: بە تووندی سەرکۆنەی هێرشەکەی ئێران دەکەین
2022-09-28 [02:22 AM]

ZNA-هەولێر


وەزارەتی دەرەوەی عێراق "بە تووندی" سەرکۆنەی بۆردوومانەکانی ئێران بۆسەر بارەگای حیزبەکانی رۆژهەڵاتی کوردستان لە هەرێمی کوردستان دەکات و دەڵێت، ئێران "20 فڕۆکەی بێفڕۆکەوانی بۆمب هەڵگر"ی لەو هێرشانە بەکارهێناوە کە چەند ناوچەیەکی هەرێمی کوردستانی گرتووەتەوە.

 

وەزارەتی دەرەوەی عێراق ئەمڕۆ چوارشەممە 28-09-2022 لەبارەی هێرشەکانی ئێران بۆسەر بارەگای حیزبەکانی رۆژهەڵاتی کوردستان بڵاوکردەوە و دەڵێت، ئەو هێرشانە "پێشهاتێکی مەترسیدارن" و هەڕەشە لە ئاسایش و سەقامگیریی عێراق دەکەن. دەشڵێت، لە بەرامبەر ئەو هێرشانەدا پەنا بۆ هەموو هەڵوێستە دیپلۆماسییەکان دەبەن بۆ رێگرتن لە دووبارەنەبوونەوەی. 

 

بەیانیی ئەمڕۆ چوارشەممە، ئێران بۆردوومانی چەند بنکە و بارەگایەکی حیزبەکانی رۆژهەڵاتی کوردستانی لە هەرێمی کوردستان کرد. سامان بەرزنجی، وەزیری تەندروستیی هەرێمی کوردستان بە تۆڕی میدیایی رووداوی گوت، 14 بریندار و چوار گیانلەدەستدان لە کۆیە و 10 بریندرا و سێ گیانلەدەستدانیش لە پردێ تۆمارکراون.

 

وەزارەتی دەرەوەی عێراق باس لەوە دەکات کە بۆردوومانەکان ژمارەیەک کوژراو و برینداریان لێکەوتەوە، "ئەمەش پێشهاتێکی ترسناکە و هەڕەشە لە ئاسایش و سەروەریی عێراق دەکات. هەروەها مەترسی و تۆقاندنی کەسانی سڤیل زیاتر دەکات".

 

لە بەشێکی دیکەی راگەیێندراوەکەیدا وەزارەتی دەرەوەی عێراق جەختیش دەکات: "ئەم کارە گێچەڵکارییانە کە تاکلایەنانەن، دۆخی ئەمنی ئاڵۆز دەکەن و کاریگەرییان لەسەر ناوچەکە دەبێت. هاوکات دڵەڕاوکێی زیاتریان لێدەکەوێتەوە".

 

بەگوێرەی راگەیێندراوەکە، حکومەتی عێراق هەر لۆجیکێکی سەربازی بۆ بەرەنگاربوونەوەی ئاڵنگارییە ئەمنییەکان رەتدەکاتەوە و "وەزارەتی دەرەوەش پەنا بۆ هەموو هەڵوێستە دیپلۆماسییەکان دەبات بۆ رێگرتن لە دووبارەبوونەوەی ئەمە".





ئەم هەواڵە 430جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad