English | عربی | Kurdî دواهەواڵ
ڕاستەوخۆ  
 
كازمی : داواكاری خۆپیشاندەرانی تشرین جێ بەجێ كراون
2022-10-02 [07:53 AM]

​ZNA – هەولێر


سەرۆک وەزیرانی عێراق گوتی، داواکاری خۆپیشاندەران جێبەجێکراون و ئەوانەی لەكوشتنی خۆپیشاندەرانی تشرین تێوەگلاون دەستگیرکراون, هەروەها بە توندی هێڕشەکانی ئێران بۆ سەر خاکی عێراق رەتدەکەینەوە.

 

دوینێ شەممە،1-10-2022، نوسینگەی مستەفا کازمی سەرۆک وەزیرانی عێراق راگەیەنراوێکی بڵاوکردەوە و تیایدا هاتووە، حکومەتی عێراقی داوکارییەکانی خۆپیشاندەرانی تشرینی جێبەجێکردووە و بریندارەکانی بۆ وەرگرتنی چارەسەر ناردووەتە دەرەوەی وڵات و کوژراوانی خۆپیشاندانی تشرینی لە رێکخراوی کاروباری شەهیدان بە شەهید تۆمارکردووە و ئەوانەی دەستیان لە کوشتنی خۆپیشاندەرانەدا هەبووە دەستگیرکراون.

كازمی دەشڵیت، "کۆتا کەسمان لە کۆتایی ئەم هەفەتەی بە تۆمەتی کوشتنی چالاکوانان دەستگیرکردووە."

لەراگەیێندراوەكەدا ئەوەش هاتووە، بە توندی هێڕشەکانی ئێران بۆ سەر خاکی عێراق رەتدەکەنەوە و وەزاەرەتی دەرەوەی عێراقیان راسپاردووە تاوەکو بە هەماهەنگی لەگەڵ ئەنجومەنی ئاسایشی نێودەوڵەتی چاودێری ئەو کردەوەیەی ئێران بکەن.

ئەوەشی رونكردەوە: "ئاسایشی وڵاتەکەمان پەیوەستی بە رەهەندی هەرێمیە و لەسەر هەموو لایەنەکان پێویستە لە چوارچێوەی یاسادا مامەڵە لەگەڵ ئاڵنگارییە ئەمنییەکان بکەن و هاوکات رێز لە سەرەوەری وڵاتانی دیکە و وڵاتانی دراوسێ بگرن."

باسی لەوەشکرد، دووبارە بانگهێشتی سەرجەم لایەنە سیاسیەکانی عێراقی کرد بۆ ئەوەی بە شێوەیەکی بەپەلە بێنە سەر مێزی گفتوگۆی نیشتیمانی بۆ گەیشتن بە رێککەوتنی نیشتیمانی بەشێوەیەک جێگەی رەزامەندی هەموو لایەنێک.

 





ئەم هەواڵە 358جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad