English | عربی | Kurdî دواهەواڵ
ڕاستەوخۆ  
 
لە مانگی رابردوودا بە بەهای زیاتر لە هەشت ملیار دۆلار نەوتی فرۆشتووە
2022-10-02 [03:36 AM]

ZNA:هەولێر


وەزارەتی نەوتی عێراق لە راگەیەندراوێكدا پشت بەستن بە ئامارێكی كۆمپانیای بەبازاڕكردنی نەوتی عێراق (SOMO)، بڕ و داهاتی فرۆشی نەوتی بۆ مانگی ئەیلوولی رابردوو، بڵاوكردەوە.

لە راگەیەندراوەكەدا ئاماژە بەوە دراوە، تیكڕای نەوتی هەناردەكراو لە مانگی ئەیلوولی رابردوودا، 98 ملیۆن و 765 هەزار و 153 بەرمیل بووە كە كۆی گشتیی داهاتەكەی گەیشتووەتە، هەشت ملیار و 773 ملیۆن دۆلار.

باسی لەوەیش كردووە كە لە مانگی ئەیلوولی رابردوودا، بڕی نەوتی هەناردەكراو لە كێڵگە نەوتییەكانی ناوەڕاست و باشووری عێراق، 96 ملیۆن و 445 هەزار و 421 بەرمیل بووە و بڕی نەوتی هەناردەكراو لە كەركووك لەڕێگای بەندەری جەیهانی توركیاوە، گەیشتووەتە دوو ملیۆن و 169 هەزار و 180 بەرمیل.

ئاماژە بەوەیش دراوە كە لە مانگی ئەیلوولی رابردوودا، رۆژانە تێكڕا سێ ملیۆن و 292 هەزار بەرمیل نەوت هەناردەكراوە.

لە راگەیەندراوەكەدا، هەروەها ئەوەیش خراوەتەڕوو كە لە مانگی ئەیلوولی رابردوودا، یەك بەرمیل نەوت تێكڕا بە 88 دۆلار و 83 سەنت فرۆشراوە.

ئاماری هەناردە و داهاتی فرۆشی نەوتی عێراق لە مانگی ئەیلوولدا بەراورد بە مانگی ئابی رابردوودا، كەمی كردووە.

پێشتر وەزارەتی نەوتی عێراق رایگەیاندبوو كە لە مانگی ئابی رابردوودا، 101 ملیۆن و 859 هەزار و 528 بەرمیل نەوت هەناردەكراوە كە كۆی گشتیی داهاتەكەشی، گەیشتووەتە نۆ ملیار و 688 ملیۆن و 903 دۆلار.





ئەم هەواڵە 427جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad