English | عربی | Kurdî دواهەواڵ
ڕاستەوخۆ  
 
سەدر: داوا لە وڵاتانی دراوسێ دەکەین رێز لە سەروەریی عێراق بگرن
2022-10-04 [08:22 AM]

ZNA_ هەولێر


رێبەری رەوتی سەدر پشتگیری لە هەڵوێستی ئەنجوومەنی ئاسایشی نەتەوە یەکگرتووەکان دەکات کە وەک خۆی دەڵێت، دژی ئەو هێرشانەی "لێرە و لەوێ" دەکرێنە سەر خاکی عێراق، پشتیوانیی عێراق دەکات و، داواش لە وڵاتانی "دراوسێی ئازیز" دەکات کە رێز لە سەروەریی خاکی عێراق بگرن و پارێزگاری لە ئاسایش و سەقامگیری بکەن.

 

ئەمڕۆ سێشەممە، 04-10-2022، موقتەدا سەدر، رێبەری رەوتی سەدر لە نوێترین پەیامیدا لە تویتەر لەبارەی کۆبوونەوەی ئەمڕۆی ئەنجوومەنی ئاسایشی نەتەوە یەکگرتووەکان بۆچوونی خۆی دەربڕی و ستایشی ئەنجوومەنەکەی کرد لە پشتیوانیکردنی عێراق بە تایبەت دژی ئەو هێرشانەی کە "لێرە و لەوێ" دەکرێنە سەر خاکی عێراق.

 

رێبەری رەوتی سەدر لە سەرەتای پەیامەکەیدا دەڵێت، "قسەکانی نوێنەری ئەمینداری گشتیی نەتەوە یەکگرتووە [جێنین پلاسخارت] سەرنجی راکێشام کاتێک گوتی: هۆکاری سەرەکیی ئەوەی لە عێراق روودەدات گەندەڵییە، کە هەموویان لەسەر بوونی کۆکن. بەڵێ ئەو ئەمە راستە و زۆر وردە، یەکەم هەنگاوی چاکسازی بەشێوەی پلەبەندی بریتییە لە بەشدارینەکردنی دەموچاوە کۆنەکان لە حکومەتی داهاتوودا.."

 

لە بەشێکی پەیامەکەیدا موقتەدا سەدر دەشڵێت، دژی گوتەی بەشێک لە ئەندامانی ئەنجوومەنەکە بۆ پێکهێنانی حکومەتی عێراق دەوەستێتەوە، چونکە زۆرێک لە حکومەتەکان پێکهێنران و زیانیان بۆ گەل و وڵات هەبوو.

 

لەبارەی ئەو چەکانەی کە لە دەستی گرووپ و هێزە چەکدارەکاندان، رێبەری رەوتی سەدر دەڵێت، سەرۆکوەزیرانی عێراق رووبەڕووی فشارێکی زۆری ئەو هێزانە دەبێتەوە، لەکاتێکدا خۆی سەرۆکوەزیرانە و بەشێک لە چەکدارەکان گوێڕایەڵیی فەرمانەکانی ناکەن.





ئەم هەواڵە 298جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad