2022-10-04 [09:07 AM]

هاوپه‌یمانی فه‌تح ئه‌مه‌ریكا به‌هۆكاری شكستی سیسته‌می به‌رگری ئاسمانی عێراق تۆمه‌تبار ده‌كات.

عوده‌ی عه‌بدولهادی رایده‌گه‌یه‌نێت، ستراتیژیه‌تی واشنتۆن له‌عێراق به‌ له‌ناوبردنی توانا ئه‌منیه‌كانه‌وه‌ نه‌وه‌ستاوه‌ و ماوه‌ی پازده‌ ساڵه‌ كێشه‌ بۆ بونیادنانه‌وه‌ی سیسته‌می به‌رگری ئاسمانی عێراق دروست ده‌كات.

عوده‌ی ئاماژه‌ به‌وه‌ ده‌دات، به‌شێكی زۆری ئه‌و كێشانه‌ی له‌ سیسته‌می به‌رگری ئاسمانی عێراقدا هه‌یه‌ بووه‌ته‌ هۆی پێشێلكاری ئه‌منییه‌كان و بنپێ خستنی سه‌روه‌ری عێراق له‌لایه‌ن وڵاتانه‌وه‌.

جه‌خت ده‌كاته‌وه‌، ئه‌مه‌ریكا رێگری دانانی سیسته‌می ئێس 400ی رووسی ده‌كات و به‌رده‌وام ڤیتۆ له‌دژی هه‌وڵه‌كانی عێراق بۆ كڕینی ئه‌و سیسته‌مه‌ به‌كاردێنێت.