2022-09-25 [11:08 AM]

حوسێن سەفامەنیش، هونەرمەندی رۆژهەڵاتی کوردستان، کۆنسێرتەکەی لە هەولێر بەهۆی رووداوەکانی ئەم دواییەی رۆژهەڵاتی کوردستان هەڵوەشاندەوە.

سەفامەنیش پەیامێکی ڤیدیۆیی بڵاوکردووەتەوە، تێیدا ئاماژەی بۆ ئەوەکردووە، وەک رێزێک بۆ ژینا ئەمینی و بنەماڵەکەی کۆنسێرتەکەی هەڵوەشاندەوە.

بڕیاربوو ماڵی میوزیکی زەهاوی، لە 29 ئەم مانگە کۆنسێرتەکە سازبکات و شەش ژەنیار لەگەڵ ئەو گۆرانیبێژە کوردە چەند بەرهەمێک پێشکێش بکەن.

ماڵی میوزیکی زەهاوی، زیاتر لە یەک ساڵە، هەموو مانگێک لەسەر قەڵای هەولێر کۆنسێرت بۆ هونەرمەندانی کورد سازدەکات.