2022-10-01 [05:44 AM]

ریانا، خانمە گۆرانیبێژی جیهانی، لە رێوڕەسمی دەستپێکردنی پاڵەوانیەتی سوپەر بۆڵ بەشدار دەبێت و گۆرانی دەڵێت.

هەواڵی بەشداربوونی ئەو گۆرانیبێژە لەو رووداوە وەرزشییەدا، لەلایەن ئەپڵ میوزیک بڵاوکرایەوە کە سپۆنسەری پاڵەوانیەتییەکەیە.

ریانا ماوەیەکە بەهۆی سەرقاڵبوونی بە کاری بازرگانییەوە، لە کاری هونەری دوورکەوتووەتەوە و دوایین ئەلبوومی گۆرانیی لە 2016 بڵاوکراوەتەوە.

لەلایەکی دیکەوە ئەو گۆرانیبێژە ئامادەکاری بۆ بڵاوکردنەوەی ئەلبوومێکی نوێ دەکات، بەڵام تاوەکو ئێستا وادەی بڵاوکردنەوەی ئاشکرا نەکردووە.