2022-10-03 [08:40 AM]

جۆرج وەسوف، گۆرانیبێژی لوبنانی، ئامادەکاری بۆ گێڕانی دوو ئاهەنگ لە قەتەر و ئەبوزەبی دەکات.

ئاهەنگەکەی قەتەر لە 6 ئەم مانگە و ئاهەنگەکەی ئەبوزەبی لە 14 ئەم مانگە بەڕێوەدەچێت، تێیدا گوڵبژێرێک لە گۆرانییە کۆن و نوێیەکانی پێشکێش دەکات.

جۆرج وەسوف بەم دواییە لە چوارچێوەی چالاکییەکانی وەرزی جەدە لە سعودیە، ئاهەنگی گێڕا و کێشی زیادی کردبوو.

دوایین بەرهەمی وەسوف، گۆرانی "یاه ع الزمن" بوو، کە بە شێوەزاری میسرییە و لەلایەن ئەحمەد مالیکی تێکستەکەی نووسراوە و لە ئاوازی مستەفا شوکرییە و فادی حەداد کاری دەرهێنانی بۆ ڤیدیۆکلیپەکە کردووە.