English | عربی | Kurdî دواهەواڵ
ڕاستەوخۆ  
 
سوودانی: کار بۆ نەهێشتنی ناکۆکی و بەربەستەکانی نێوان هەولێر و بەغدا دەکەم
2022-10-14 [08:50 AM]

ZNA_ هەولێر


 

محه‌ممه‌د شیاع سوودانی، كاندیدی راسپێردراو بۆ پێكهێنانی كابینه‌ی نوێی حكومه‌ت رایگه‌یاند، هه‌موو هه‌وڵێكی ده‌خاته‌گه‌ڕ بۆ پێكهێنانی كابینه‌یه‌كی به‌هێز و پارێزگاریكردن له‌ سه‌روه‌ری عێراق و رووبه‌ڕووبوونه‌وه‌ی گه‌نده‌ڵی و کار بۆ نەهێشتنی ناکۆکی نێوان هەولێر و بەغدا دەکات.

لە یەکەم وتاریدا سەرۆکوەزیرانی راسپێردراوی عێراق باسی لە کێشەکانی نێوان هەولێر و بەغدا کرد لەوبارەیەوە رایگەیاند، کار بۆ نەهێشتنی ناکۆکییەکانی نێوان حکومەتی ئیتیحادی و حکومەتی هەرێمی کوردستان دەکەم و کار بە دەستوور دەکەین بۆ پتەوکردنی پەیوەندییەکانی نێوان هەولێر و بەغدا.

له‌ وته‌یه‌كدا، سوودانی گوتیشی: متمانه‌م پێتانه‌ تا بتوانین پشتیوان به‌ خوا كاره‌كانمان بكه‌ین. له‌گه‌ڵ هه‌موو پێكهاته‌ و لایه‌نه‌كان كار ده‌كه‌ین بۆ جێبه‌جێكردنی ئه‌ركه‌كه‌مان.

هه‌روه‌ها گوتی: ئێمه‌ رۆڵه‌ی یه‌ك گه‌لین و له‌ خۆشی و ناخۆشییدا پێكه‌وه‌ین و كار ده‌كه‌ین بۆ ئه‌وه‌ی كه‌سانی ده‌ستپاك و شایسته‌ كاندید بكه‌ین.

له‌ به‌شێكی دیكه‌ی قسه‌كانیدا، گوتی: من بێلایه‌نانه‌ كارده‌كه‌م و پشتیوانی ئازادییه‌كان ده‌كه‌م و داوای گفتوگۆی فراوان و كردنه‌وه‌ی په‌ڕه‌یه‌كی نوێ ده‌كه‌م له‌ پێناو پێكهێنانی حكومه‌تێكی به‌هێز و به‌ره‌نگاربوونه‌وه‌ی گوتاری رقئامێز.

هه‌روه‌ها گوتی: داواكاری گه‌نجان له‌ یاد ناكه‌ین، رووبه‌ڕووی كه‌می خزمه‌تگوزاری و نه‌بوونی هه‌لیی كار و هه‌ڵاوسان ده‌بینه‌وه‌.

ئاماژه‌ی به‌وه‌شدا، كارنامه‌ی كابینه‌كه‌ی فره‌ لایه‌ن ده‌بێت و گوتی: كارنامه‌یه‌كی فره‌ لایه‌ن داده‌ڕێژین، كه‌ تێیدا باس له‌ هه‌موو كه‌رته‌كانی ژیان ده‌كه‌ین و سوورین له‌سه‌ر رووبه‌ڕووبوونه‌وه‌ی گه‌نده‌ڵی و ئه‌وه‌ش كاری له‌ پێشینه‌مان ده‌بێت.





ئەم هەواڵە 541جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad