English | عربی | Kurdî دواهەواڵ
ڕاستەوخۆ  
 
پلاسخارت: پشتگیری پێكهێنانی حكوومه‌تێك ده‌كه‌ین خواستی هه‌موو پێكهاته‌كان عێراق بهێنێته‌ دی
2022-10-16 [04:37 AM]

ZNA- هه‌ولێر


نوێنه‌ری تایبه‌تی سكرتێری گشتیی نه‌ته‌وه‌یه‌كگرتووه‌كان له‌ عێراق ئه‌مڕۆ یه‌كشه‌م پشتگیری نه‌ته‌وه‌یه‌كگرتووه‌كانی بۆ محه‌مه‌د شیاع سوودانی دووپات كرده‌وه‌ بۆ پێكهێنانی حكوومه‌تی نوێ كه‌ خواسته‌كانی گه‌لی عێراق به‌ هه‌موو پێكهاته‌كانییه‌وه‌ بهێنێته‌ دی.

نووسینگه‌ی سوودانی بڵاوی كرده‌وه‌: ئه‌مڕۆ یه‌كشه‌م محه‌مه‌د شیاع سوودانی ڕاسپێردراو بۆ پێكهێنانی حكوومه‌ت پێشوازی له‌ جینین پلاسخارت نوێنه‌ری تایبه‌تی سكرتێری گشتیی نه‌ته‌وه‌یه‌كگرتووه‌كان له‌ عێراق كردووه‌ و هه‌ردوولا باسیان له‌ بارودۆخی سیاسی وڵات كردووه‌.

هه‌ردوولا هه‌روه‌ها جه‌ختیان له‌ به‌هێزكردنی هاوكارییه‌كانی نه‌ته‌وه‌یه‌كگرتووه‌كان و میكانیزمه‌كانی سیسته‌می دیموكراسی له‌ عێراق كردۆته‌وه‌.

محه‌مه‌د شیاع سوودانی له‌ كۆبوونه‌وه‌كه‌دا ئاماژه‌ی به‌وه‌داوه‌ كه‌ له‌ حكوومه‌تی نوێدا هه‌وڵ ده‌ده‌ن زیاتر تیشك بخه‌نه ‌سه‌ر چاره‌سه‌ركردنی كێشه‌ خزمه‌تگوزارییه‌كان و به‌ره‌نگاربوونه‌وه‌ی گه‌نده‌ڵی.‌

ئه‌وه‌شی خستۆته‌ڕوو: له‌ حكوومه‌تی نوێدا زیاتر گوێ له‌ ده‌نگی گه‌نجان ده‌گرن و بابه‌تی مافه‌كانی مرۆڤ و كه‌مینه‌كان به‌ هه‌ند وه‌رده‌گرن، هه‌روه‌ها كاریش له‌سه‌ر باشتركردنی په‌یوه‌ندییه‌ هه‌رێمی و نێوده‌وڵه‌تییه‌كان ده‌كه‌ن له‌سه‌ر بنه‌مای به‌رژه‌وه‌ندییه‌ هاوبه‌شه‌كان و پاراستنی سه‌روه‌ری خاكی عێراق.

له‌به‌رامبه‌ریشدا پلاسخارت جه‌ختی كرده‌وه‌ كه‌ نه‌ته‌وه‌یه‌كگرتووه‌كان پشتیوانی له‌ پێكهێنانی حكوومه‌تێك ده‌كات كه‌ خواسته‌كانی گه‌لی عێراق به‌ هه‌موو پێكهاته‌كانییه‌وه‌ بهێنێته‌ دی.





ئەم هەواڵە 328جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad