English | عربی | Kurdî دواهەواڵ
ڕاستەوخۆ  
 
کۆمکاری عەرەبی پشتیوانی بۆ رێککەوتنی لوبنان و ئیسرائیل راگەیاند
2022-10-29 [10:16 AM]

ZNA-هەولێر


 

جێگری سکرتێری گشتیی کۆمکاری عەرەبی، حوسام زەکی لە لێدوانێکیدا کە لە تۆڕی کۆمەڵایەتی بڵاویکردووەتەوە، رایگەیاندووە: جەخت لەسەر ئەوە دەکەینەوە کە کۆمکاری عەرەبی پشتیوانی تەواو لەو رێککەوتنە دەکات کە لوبنان دەگەیەنێت بە مافی سەروەری دەریایی و سوودمەندی دەکات لە دەوڵەمەندی و سەرچاوە سرووشتییەکانی ناوچە ئابوورییەکان و سوودی دەبێت بۆ گەلەکەی کە پێویستیان بە هەموو جۆرە پاڵپشتییەکە.

زەکی باسی لەوەکرد، رێککەوتنی سنووردارکردنی ناوچەی دەسەڵاتی دەریایی لە نێوان هەردوو وڵاتدا هەنگاوێکی گرنگە.

لوبنان و ئیسرائیل دوو وڵاتی دراوسێن و هیچ پەیوەندییەکی دیپلۆماتیی لەنێواندا نییە، ماوەیەکە بە نێوەندگیریی ئەمەریکا دانوستان دەکەن بۆ چارەسەرکردنی ناکۆکی لە لەبارەی سنووری دەریایی کە نزیکەی 860 کیلۆمەتر چوارگۆشەیە لە نێوانیاندا.

لە کۆتایی دانوستانەکاندا کە هەڵشان و داکشانی بەخۆوە بینی، دوێنێ رێککەوتننی سنووری دەریایی نێوانی هەردوو وڵات لەلایەن سەرکۆماری لوبنان، میشێل عەون و سەرۆکوەزیرانی ئیسرائیل، یائیر لاپید واژوو کرا.

هەماهەنگیکاری تایبەتی نەتەوە یەکگرتووەکان بۆ لوبنان، جوانا رۆنێکا ئاماژەی بەوە کرد کۆپی ئەو رێککەوتنەیان پێگەیشتووە کە بەجیا لەلایەن هەردوولاوە واژوو کراوە و دەیگەیەننە بارەگای نەتەوە یەکگرتووەکان لە نیویۆرک.





ئەم هەواڵە 292جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad