English | عربی | Kurdî دواهەواڵ
ڕاستەوخۆ  
 
سودانی سامانی خۆی ئاشکرا دەکات
2022-10-30 [02:53 AM]

ZNA- هەولێر


سەرۆکوەزیرانی عێراق سامانی خۆی بۆ دەستەی دەستپاکیی عێراق ئاشکرا کرد و بەپێی دەستەی دەستپاکیی عێراق، سوودانی یەکەم کەسە لەنێو کابینەکەی سامانی خۆی ئاشکرا بکات. سەرۆکی دامەزراوەی نەهرێن بۆ پشتیوانیی شەفافیەت و دەستپاکیش دەڵێت، "ئاشکراکردنی سامان یەکێکە لە رێوشوێنەکان کە پێویستە هەموو بەرپرسانی وڵات بیگرنەبەر."
 
رۆژی یەکشەممە، دەستەی دەستپاکیی عێراق رایگەیاند، محەممەد شیاع سوودانی، سەرۆکوەزیرانی عێراق یەکەم کەسە لەنێو کابینەکەی کە ئەمڕۆ یەکشەممە سامانەکەی خۆی بۆ دەستەکە ئاشکرا کردووە.
 
فەرمانگەی خۆپارێزی لە دەستەکە لە راگەیێندراوێکدا گوتی، "فۆرمی ئاشکراکردنی سامانی محەممەد شیاع سوودانی، سەرۆکوەزیرانی عێراقی پێگەیشتووەتەوە و بەوەش سوودانی بووە یەکەم کەسی نێو کابینەکەی سامانەکەی ئاشکرا بکات."
 
دەستەی دەستپاکیی عێراق لە رێگەی فۆرمێکەوە کە بۆ بەرپرسانی عێراق لە پلەی بەڕێوەبەری گشتی و بەسەرەوە دەینێرێت، داوایان لێدەکات سامانی خۆیان ئاشکرا بکەن، ئەوەش خۆی لە پارەی نێو هەژمارە بانکییەکان، خانووبەرە، ئۆتۆمبێل، زەوی و شتی دیکە دەگرێتەوە.
 
رۆژی هەینیی رابردوو 28-10-2022 دوای یەک رۆژ لە وەرگرتنی متمانەی پەرلەمانی عێراق، محەممەد شیاع سوودانی سەرپەرشتیی یەکەم کۆبوونەوەی کابینەکەی کرد و بەپێی راگەیێندراوی نووسینگەکەی، داوای لە وەزیرانی حکومەت کرد لە ماوەی یەک هەفتەدا سامانیان بۆ دەستەی دەستپاکی ئاشکرا بکەن.
 
بەپێی بڕگەی جیم لە خاڵی یەکەمی ماددەی 16ی یاسای دەستەی دەستپاکیی عێراق، ژمارە 30ی ساڵی 2011ی هەموارکراو، سەرۆکوەزیرانی وڵات وەزیرەکان و ئەوانەی لە پلەی ئەواندان و هەر کەسێکی دیکە کە پلەی فەرمیی هەبێت لە بەڕێوەبەری گشتی و بەسەرەوە، دەبێت سامانی بۆ دەستەی دەستپاکی لە رێگەی فۆرمێکەوە ئاشکرا بکات.
 
رۆژی یەکشەممە 30-10-2022، محەممەد روبەیعی، سەرۆکی سەنتەری نەهرەین بۆ پشتیوانیکردنی شەفافییەت و دەستپاکی لە عێراق لەوبارەیەوە بە تۆڕی میدیایی رووداوی گوت، "ئەو پرسە یەکێکە لە رێوشوێنە پێویستەکان بۆ زانینی راستیی سامانی بەرپرسان، بەڵام گرنگ ئەوەیە دواتریش دەستەی دەستپاکی بەدواداچوون بۆ سامانی ئەو بەرپرسانە بکات، واتە دوای تەواوکردنی چوار ساڵی خۆیان لە پۆستەکانیان."
 





ئەم هەواڵە 460جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad