2022-10-26 [07:21 AM]

داهاتی فیلمی نوێی سینەمایی  "Where the Crawdads Sing" لە سینەماکانی جیهاندا بۆ میدیاکان ئاشکرا کرا.

ئەم بەرهەمە دراماییە لە 15 تەممووز لە سینەماکانی جیهاندا بڵاوکرایەوە و داهاتی لە سینەماکاندا 136 ملیۆن و 930 هەزار دۆلاری ئەمریکییە.

داهاتی ئەم بەرهەمە لە سینەماکانی ئەمریکا و کەندا 90 ملیۆن و 230  هەزار دۆلارە و داهاتی لە سینەماکانی دیکەی جیهاندا 46 ملیۆن و 700 هەزار دۆلارە.

فیلمەکە بەرهەمی کۆمپانیای سۆنی پیکچەرزە و بڕیارە لە رۆژانی داهاتوودا لە سینەمای چەندین وڵاتی دیکەی جیهاندا نمایشبکرێت.

چیرۆکی فیلمەکە باس لە کچێک دەکات کە خێزانەکەی دەستبەرداری بوونە و رووداوەکانی لە پەنجاکانی سەدەی رابردوو روودەدەن.