English | عربی | Kurdî دواهەواڵ
ڕاستەوخۆ  
 
بەرپرسێكی وەزارەتی پیشەسازی: عێراق بەنیازی بەرهەم هێنانی ئۆتۆمبێلە
2022-11-06 [08:05 AM]

ZNA – هەولێر


وەزارەتی پیشەسازی عێراق رایگەیاند، لە رێگەی چەند پلان و توێژینەوەیەکەوە هەموو کەرتەکانی پیشەسازی گەشەپێدەدات و لە ناویاندا کەرتی دروستکردن و بەرهەمهێنانی ئۆتۆمبێل و بۆ ئەم مەبەسەتەش بە نیازە لەگەڵ لایەنێکی میسری رێککەوتنێکی هاوبەش ئەنجام بدات.

 

عەمار جەنابی، راوێژکار لە وەزارەتی پیشەسازی عێراق بە میدیا ناوخۆییەکانی راگەیاند: چەندین توێژینەوەی پیشەسازییان ئەنجامداوە و دەستیان کردووە بە دانانی چەند پلانێک بۆ بەرهەمهێنانی ئۆتۆمبێلی عێراقی.

جەنابی گوتیشی: دەستیان کردووە بە پلاندانان بۆ گەشەپێدانی پیشەسازی بە گشتی و لە ئێستادا چەندین بیرۆکەیان لە بارەی پیشەسازی ئۆتۆمبێل لە بەردەستە و یەکێکیان ئەنجامدانی رێککەوتنی گرێبەستی هاوبەشی تەکنەلۆجییە لەگەڵ لایەنێکی میسری.

راوێژکارەكەی وەزارەتی پیشەسازی عێراق ئەوەشی خستەڕوو، نەخستنەکاری پڕۆژە یاسای رێگری لە قۆرخکاری و کێبڕکێ کە لە ساڵی 2010 پەسەند کرا، بووە هۆی دروستبوونی کێشە لە کەرتی پیشەسازی و لە ماوەی رابردوو عێراق ئۆتۆمبێلی جۆری سکانیای بەرهەم دەهێنا و لە رێگەیەوە پێداویستی گرنگی پێ هاوردەدەکرد و ئەوانیش کەلوپەلی سەرەکی بوون لە پیشەسازی ئۆتۆمبێل کە لە کۆمپانیای تایبەتمەندەوە هاوردە دەکران و لە رێگەی چەند هەنگاوێکی بەرهەمهێنانەوە لە ناوخۆی عێراق دروستدەکران.

ئەو روونیشی كردەوە، ئۆتۆمبێلی جۆری دسکایب بە دوو هەزار و 800 دۆلار دەفرۆشرێت لە ئێران، ئەمەش لەکاتێکدا نرخی ئەو ئۆتۆمبێلە لە عێراق دەگاتە حەوت هەزار دۆلار ئەمەش بە مانای ئەوە دێت پلاندانان دروست نەبووە.

راوێژکاری وەزارەتی پیشەسازی ئەوەشی ئاشکراکرد، گرنگییەکی زۆریان بە بەرهەمهێنانی دەرمان داوە لە پێناو بەدەستخستنی ئاسایشی دەرمان لە عێراق.

باسی لەوەشکرد، وەزارەتی پیشەسازی چەند پلانێکی داڕشتووە و توێژینەوەی لەسەر دەکات لە پێناو بەرهەمهێنانی پیشەسازی عێراقی پەیوەست بە هەموو کەرتەکان نەک تەنها لە کەرتی پیشەسازی ئۆتۆمبێل.

 





ئەم هەواڵە 433جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad