English | عربی | Kurdî دواهەواڵ
ڕاستەوخۆ  
 
دوای سه‌ردانه‌ له‌ناكاوه‌كه‌ی سوودانی 13 فه‌رمانبه‌ری نه‌خۆشخانه‌ی كازمییه‌ گواسترانه‌وه‌
2022-11-15 [08:32 AM]

ZNA-هەولێر


وه‌زیری ته‌ندروستی عێراق ئه‌مڕۆ دووشه‌م فه‌رمانی گواستنه‌وه‌ی بۆ 13 فه‌رمانبه‌ری نه‌خۆشخانه‌ی كازمییه‌ بۆ ده‌ره‌وه‌ی شاری به‌غدا ده‌ركرد‌.

ده‌ركردنی ئه‌م فه‌رمانبه‌رانه‌‌ دوای سه‌ردانه‌ له‌ناكاوه‌كه‌ی محه‌مه‌د شیاع سوودانی سه‌رۆك وه‌زیرانی عێراق دێت كه‌ شه‌وی رابردوو بۆ نه‌خۆشخانه‌ی كازمییه‌ ئه‌نجامی دا و تێیدا ڕه‌خنه‌ی زۆری له‌ كارگێری نه‌خۆشخانه‌كه و پزیشكان گرت به‌هۆی خراپی خزمه‌تگوزارییه‌كان و گرینگینه‌دانیان به‌ سه‌ردانیكه‌ران و نه‌خۆشان و هه‌روه‌ها ئاماده‌نه‌بوونی به‌شێك له‌ پزیشكی خولاو له‌ كاتی ده‌وامی فه‌رمیدا.

ساڵح حه‌سناوی وه‌زیری ته‌ندروستی عێراق هه‌ر ئه‌مڕۆ دووشه‌م خۆی سه‌ردانی نه‌خۆشخانه‌كه‌ی كردبوو و له‌گه‌ڵ به‌رپرسان و پزیشكانی نه‌خۆشخانه‌كه‌ كۆبوونه‌وه‌ی ئه‌نجامدابوو، داواشی لێ كردبوون له‌ ماوه‌ی 48 كاتژمێردا ڕاپۆرتێكی تێروته‌سه‌لی له‌سه‌ر كه‌موكورتییه‌كانی نه‌خۆشخانه‌كه‌ بۆ ئاماده‌ بكه‌ن.

دوای سه‌ردانه‌كه‌ش، وه‌زیری ته‌ندروستی به‌ فه‌رمانێكی وه‌زاری 13 فه‌رمانبه‌ری نه‌خۆشخانه‌كه‌ی بۆ ده‌ره‌وه‌ی شاری به‌غدا گواسته‌وه‌.

به‌گوێره‌ی نووسراوه‌كه‌ی وه‌زاره‌تی ته‌ندروستی گواستراوه‌كان پێكهاتوون له‌ 4 پزیشك و 4 یاریده‌ری پزیشك و 2 پزیشكی ده‌رمانساز و به‌ڕێوه‌به‌ری ژمێریاری له‌گه‌ڵ دوو فه‌رمانبه‌ری دیكه‌.





ئەم هەواڵە 235جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad