English | عربی | Kurdî دواهەواڵ
ڕاستەوخۆ  
 
وەزارەتی دارایی بڕیاری تازەی بۆ فەرمانبەران دەرکرد
2022-11-15 [08:42 AM]

ZNA-هەولێر


 

 وەزارەتی دارایی، چەند بڕیارێك بۆ كڕینی ئۆتۆمبێل بۆ بەرپرسی فەرمانگە حكوومییەكان و ئۆتۆمبێلە خزمەتگوزارییەكان دەردەكات و رایدەگەیەنێت، دەبێت هەر ئۆتۆمبێلێك 10ساڵ زیاتر سوودی لێوەربگیرێت، ئەوكات داواكاری بۆ كڕینی ئۆتۆمبێلی تازە پێشكەش بكرێت.

بەپێی نووسراوێكی وەزارەتی دارایی حكوومەتی هەرێمی كوردستان، كە لە 31ی10ی 2022 دەرچووە، روونكرنەوە لەبارەی كڕینی ئۆتۆمبێل بۆ فەرمانگە حكوومییەكان دراوە.

لە نووسراوەكەدا هاتووە: "ئاگاداری هەموو دامودەزگاكانی حكوومی دەكەین، كە وەزارەتی دارایی لەبەر بارودۆخی دارایی، ئێستا ناتوانێت كۆی داواكارییەكانی كڕینی ئۆتۆمبێل دابین بكات، چونكە ژمارەی داواكارییەكان گەیشتووەتە ئەو ژمارەیەی ناتوانین دابینی بكەین."

وەزارەتی دارایی ئاشكراشی كردووە، وەزارەتەكە بەپێی بوونی بودجەی بەردەست، لەسەر بنەمای پێداویستی و گرنگیی كاروچالاكییەكان بە شێوەی قۆناغ، ئۆتۆمبێلی خزمەتگوزاری لەپێشتر دادەنێت.

وەزارەتی دارایی جەختی كردووەتەوە، كڕینی ئۆتۆمبێل بۆ پلە تایبەتەكان بەم جۆرە دەبێت: "بۆ وەزیر و بریكاری وەزیر و راوێژكار و بەڕێوەبەری گشتی تۆیۆتا لاندكرۆز ئیستەیشین دەبێـت و بۆ جێگری بەڕێوەبەری گشتی تۆیۆتا فۆڕجێنەر، یان تۆیۆتا پڕۆادۆ دەبێت، بۆ بەڕێوەبەری فەرمانگەكانیش تۆیۆتا راڤ دەبێت و بۆ خزمەتگوزارییش پیكاب دەبڵ كابینە دەبێت."

ئاماژە بەوەش كراوە، هەر وەزارەت و فەرمانگەیەك، كە داواكاریی بۆ كڕینی ئۆتۆمبێل پێشكەش دەكا،ت دەبێت ئەو ئۆتۆمبێلەی بەكاری دەهێنێت، 10 ساڵی بەسەر تێپەڕ بووبێت و سوودی لێ وەرگیرابێت، ئەوكات داواكاری پێشكەش بكات.

لە نووسراوەكەدا ئەوەش دووپات كراوەتەوە، كڕینی ئۆتۆمبێل بە شێوەیەكی گشتی لە لایەن وەزارەتی دارایی دەكڕدرێت.

جەختیش كراوەتەوە، پڕۆسەی كڕینی ئۆتۆمبێل بەپێی پێشینەی ریزبەندی و بەرواری داواكردن و پێویستی خزمەتگوزاری دەبێت.

بەپێی ئامارەكان لە هەرێمی كوردستان 18 هەزار ئۆتۆمبێلی حكوومیی هەیە.





ئەم هەواڵە 667جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad